|
நண்பரை விட்டுப்
பிரிந்து வேறிடம் செல்கின்ற வஞ்சனை மனமுடையவர்
போலன்றி, அஞ்சலாது நின்று அவருடன் இறந்த நல்லவர் போல் -
பயப்படாது நின்று அவருடன் இறந்த நல்லவர்கள் போல, கஞ்சம்
நெல்லுடன் அறுப்புண்டு - தாமரை நெற்கதிரோடு அறுக்கப்பட்டு,
கிடப்பன - கிடப்பவற்றை, காணாய் - பார்ப்பாயாக.
அலாது
: குறிப்புவினையெச்சம்; உவமையணி. நல்லவர் போலக்
கஞ்சம் அறுபட்டன என்று உவமை கூறுவதால் நண்பருக்கு இறப்பு
நேர்ந்தபோது அந்நண்பருடன் ஒருங்கு மடியும் நல்லோர்களைப் போல,
நெற்கதிருடன் தாமரைகளும் அறுக்கப்பட்டுக் கிடக்கின்றன பார் என்று
காட்டினான்.
(272)
| |
நீராடு
மகளிர் காட்சி |
| 377. |
அடல
னங்கனுக் கணிஅபி டேகமே அனையாய்
மடல்கொள் வாவிநீர் குடைந்திடப் பாய்கின்ற மடவார்
மிடல்நெ டும்சிலை புயல்பிறை சுமந்துபன் மின்போய்க்
கடலில் வீழ்ந்திடு காட்சியை நிகர்ப்பது காணாய். |
(இ - ள்.)
அடல் அனங்கனுக்கு - வலிமை பொருந்திய
மன்மதனுக்கு, அணி அபிடேகமே அனையாய் - சூட்டும்
கிரீடமேபோன்றவளே!, மடல் கொள் வாவி நீர் குடைந்திட - மலர்களைக்
கொண்ட பொய்கை நீரில் குளிக்க, பாய்கின்ற மடவார் - தலைகீழாகத்
தண்ணீரில் பாய்கின்ற பெண்களின் காட்சி, மிடல் நெடுஞ் சிலை புயல்
பிறை சுமந்து பல்மின் போய்க் கடலில் வீழ்ந்திடு காட்சியை - வலிமை
பொருந்திய நீண்ட வில் மேகம் பிறைச்சந்திரன் இவைகளைச் சுமந்த பல
மின்னல்கள் போய்க் கடலில் விழுந்திடும் காட்சியை, நிகர்ப்பது காணாய்
- ஒத்திருப்பதைப் பார்ப்பாய்.
புருவங்களுக்குச் சிலையும் கூந்தலுக்குப் புயலும் நெற்றிக்குப்
பிறையும் உவமையாயின. மின்னல் மடவார் உடம்பு எனக் கொள்க.
இவைகளையுடைய மின்னல் உலகில் இன்மையின் இல்பொருளுவமையணி.
(273)
| |
ஒரு
காரிகை தன் கையாற் கூந்தரை முறுக்கும் காட்சி |
| 378. |
ஏந்தி
ளந்தனத் தொருத்தியின் புனல்குடைந் தெழுந்து
கூந்தல் அம்கையால் முறுக்குவாள் குளிர்முகத் தோற்றம்
காந்தண் மாமலர் ஊடுபோய்த் திங்களைக் கரிய
பாந்த டீண்டுவ தொப்பது பசுங்கொடி பாராய். |
(இ
- ள்.) பசுங் கொடி - பசுமையான கொடிபோன்ற சந்திர
மதியே!, ஏந்து இளந் தனத்து ஒருத்தி - பருத்துயர்ந்த இளங்
கொங்கைகளையுடைய ஒரு பெண், இன் புனல் குடைந்து எழுந்து - இனிய
தண்ணீரில் நீராடி எழுந்து, அம் கையால் - அழகிய கையால், கூந்தல்
முறுக்குவாள் - கூந்தலை முறுக்கி நீரைப் பிழிபவளுடைய, குளிர்
முகத்தோற்றம் - குளிர்ந்த முகத்தின் தோற்றமானது, காந்தள் மா மலர்
ஊடு போய் - பெரிய காந்தட்
|