பூக்களின் ஊடே போய், திங்களை - சந்திரனை, கரிய பாந்தள் - கரும்
பாம்பு, தீண்டுவது ஒப்பது - பிடிப்பது போலத் தோன்றுவதை, பாராய் -
பார்ப்பாயாக.

     காந்தள் கைக்கும், கரும்பாந்தள் கூந்தலுக்கும், திங்கள் முகத்துக்கும்
உவமையாயின. பசுங்கொடி : அனிமொழித்தொகை. காந்தள்
மலருக்கிடையிற் சென்று கரும்பாம்பு திங்களைப் பற்றுவது உலகத்தில்
நிகழாதது. அதனை உவமையாகக் கூறலால் இல்பொருளுவமையணி.
                                                   (274)

  ஒரு பெண் நீர் மூழ்கும்போது கலைந்தெழுந்த வண்டுகளின் காட்சி
  

379.	சிறுநு தற்பெருங் கண்ணியோர் தெரிவைநீர் மூழ்க நறும லர்க்குழல் வண்டெழுந் தலமந்து நரல்வ அறநெ றிப்படி புரந்தகோல் அரசர்கள் இறக்க மறுகும் அக்குடி போல்வன காண்டி மாமயிலே.

     (இ - ள்.) மா மயிலே - சிறந்த மயில் போன்ற சாயலையுடைய
பெண்ணே!, சிறு நுதல் பெருங் கண்ணி - சிறிய நெற்றியையும் பெரிய
கண்களையுமுடைய, ஓர் தெரிவை - ஒரு பெண், நீர் மூழ்க - தண்ணீரில்
முழுக, நறு மலர்க் குழல் வண்டு எழுந்து அலமந்து நரல்வ -
மணம்பொருந்திய மலரணிந்த கூந்தலிலிருந்து வண்டுகள் எழுந்து சுழன்று
மூரல்கின்ற தோற்றம், அறநெறிப்படி புரந்த கோல் அரசர்கள் இறக்க -
நீதிமுறைப்படி காவல்புரிந்த செங்கோல் மன்னர் மடிய, மறுகும் அக்குடி
போல்வன - வருந்தி மறுகுகின்ற குடிகளை ஒத்திருக்கின்றன, காண்டி -
பார்ப்பாயாக.

     சிறுநுதல் பெருங்கண்ணி : பண்புத்தொகை. முரன்தொடை; நறு மலர்
: பண்புத்தொகை; மலர்க் குழல் : இரண்டன் உருபும் பயனும்
உடன்தொக்கதொகை. உவமையணி, காண்டி : காண் : பகுதி; இ :
முன்னிலை ஒருமை வினைமுற்று விகுதி. தகரம் எழுத்துப்பேறு; டகரம்
ஆனது விகாரம்.

     கூந்தலில் இருந்த வண்டு கலைந்து எழுந்து ஒலிப்பது செங்கோலரசன்
மாய்ந்தவுடன் அந்நாட்டுக் குடிகளெழுந்து புலம்புவது போன்றிருந்தது
என்பது. இஃது உவமையணி.
                                                   (275)

     (இ - ள்.) அணங்கே - தெய்வப்பெண் போன்றவளே!, ஓர் வான்
றுதல் மடந்தை - ஒரு ஒளிபொருந்திய நெற்றியையுடைய பெண், மஞ்சனம்
குடைந்து ஆடி - நீரில் முழுகி விளையாடி, கஞ்ச நன் மலர் கடைந்து -
நல்ல தாமரைப்பூவைக் கிண்டி, அதன் மிசைக் கரம் வைத்தல் . அதன்மேல்
கை வைத்திருத்தல், என் முகம் தனைக் கண்டு - எனது முகத்தைக் கண்டு,