|
(இ
- ள்.) யோகினிக் கணம் சூழ்ந்திட - காளியின் ஏவல் செய்பவர்
(வித்தியாசத்திகள்) கூட்டஞ் சூழ்ந்திட, கொடுஞ் சுரத்து உறையும் -
கொடுமையான காட்டில் எழுந்தருளியிருக்கும், மோகினிப் பெருமாள்
திருமுன்றிலில் தொழுது - மோகினித் தலைவியாகிய காளி தேவியின்
முற்றத்தில் நின்று வணங்கிக் கொண்டு, பாகினில் சிறந்து இரதித்த
மொழியொடு - சர்க்கரைப் பாகிலும் இனிமையிற் சிறந்த தித்திக்கின்ற
மொழி பயிலும் சந்திரமதியோடு, பனி மந்தாகினித் துறை அணைந்து -
குளிர்ச்சிபொருந்திய கங்கைக்கரையை அடைந்து, அதிற் படிந்து - அதில்
நீராடி, அயல் அகன்றார் - அப்பாற் போனார்கள்.
மொழி
: ஆகுபெயர். இது மொழியினையுடையாளை யுணர்த்தியது.
பாகினிற் சிறந்து இரதித்த என்பது அடை. அடையடுத்த வாகுபெயர்
என்க.
(282)
| |
அயோத்தி
நகரடைதல் |
| 387. |
வேர
லோங்கிய மலைகளும் வனங்களும் விடுத்துச்
சூர லோங்கிய அருவியும் துருத்தியும் கடந்து
சார லோங்கிய சக்கரப் பொருப்பையும் தள்ளி
ஆர லோங்கிய அயோத்திமா நகரியை அணைந்தார். |
(இ - ள்.)
வேரல் ஓங்கிய மலைகளும் - மூங்கில்கள் உயர்ந்து
வளர்ந்துள்ள மலைகளும், வனங்களும் - காடுகளும், விடுத்து - நீங்கி,
சூரல் ஓங்கிய அருவியும் துருத்தியும் கடந்து - பிரம்புகள் ஓங்கி
வளர்ந்துள்ள இடங்களில் வரும் அருவிகளும் ஆற்றிடைக் குறைகளும்
கடந்து, காரல் ஓங்கிய சக்கரப் பொருப்பையும் தள்ளி - மலைப்பக்கங்கள்
உயர்ந்த சக்கரவாளகிரியையும் கடந்து, ஆரல் ஓங்கிய அயோத்தி
மாநகரியை அணைந்தார் - மதில் உயர்ந்துள்ள அயோத்தி நகரத்தை
அடைந்தார்.
உம்மைகள் எண்ணும்மை. மன்னனும் சந்திரமதியும்
மலை, வனம்,
அருவி, ஆற்றிடைக்குறை, சக்கரவாள மலை இவற்றைக் கடந்து அயோத்தி
நகரை யடுத்தனர் என்க.
(283)
| |
அரண்மனை
புகுதல் |
| 388. |
வார
ணத்தொலி எழுமணி வாயிலில் புகுந்து
தோர ணத்தெருக் கடந்துசோ பனம்பலர் சொல்ல
ஆர ணத்தொலி யாதிகள் மழைஎன ஆர்க்கப்
பூர ணக்குடம் சுமந்தபொற் கோயிலில் புகுந்தார். |
(இ
- ள்.) வாரணத்து ஒலி - யானைகளின் பிளிறொலி, எழும்
அணி வாயிலில் புகுந்து - எழுகின்ற அழகிய கோட்டை வாயிலுக்குள்
நுழைந்து, தோரணத் தெருக் கடந்து - தோரணங்கள் கட்டி அணி
செய்யப்பெற்றுள்ள தெருக்களைக் கடந்து, பலர் சோபனம் சொல்ல - பல
மக்கள் மங்கலவாழ்த்துக்கள் கூற, ஆரணத்து ஒலியாதிகள் மழையென
ஆர்க்க - வேதமுழக்கம் முதலியன மேகமுழக்கம்போல முழங்க, பூரணக்
குடம் சுமந்த பொற்கோயில் புகுந்தார் - பூரண கும்பங்கள் வைக்கப்பட்ட
அரண்மனையுள்ளே புகுந்தார்.
|