|
| |
பெண்கள்
நீராடப் புறப்படல் |
| 398. |
இளகி
லாதிடைச் சேலைஇ றுக்கிமென்
புளகக் கொங்கையில் கச்சுறப் பூட்டியே
அளகம் பின்னி அணிகள் அணிந்துமாப்
பிளவு தோன்றுகட் பேதையர் தோன்றினார். |
(இ
- ள்.) இளகிலாது - நழுவி விடாதபடி; இடைச்சேலை இறுக்கி
- இடுப்புகளில் சேலைகளை இறுகக் கட்டி, மென் புளகக் கொங்கையில்
கச்சு உறப்பூட்டி - மென்மையான புளகம் அரும்பிய தனங்களில்
கச்சாடையை இறுக்கமாக முடிந்துகொண்டு, அளகம் பின்னி - கூந்தலைப்
பின்னிக்கொண்டு, அணிகள் அணிந்து - ஆபரணங்கள் அணிந்துகொண்டு,
மாப் பிளவு தோன்று கண் பேதையர் தோன்றினார் - மாவடுவின்
வகிர்போன்ற கண்களையுடைய பெண்கள் நீராடத் தோன்றினார்கள்.
நீராடுவோர்
உடை நெகிழாமலும், கச்சுக் கழலாமலும், கூந்தல்
குலையாமலும் இறுக்கிக் கட்டிச்செல்லுவது இயல்பு ஆதலின் மாத
ரியற்கையைக் கூறினர் என்க.
(294)
| 399. |
பொன்னின்
வட்டிலும் பொன்னின் விசிறியும்
துன்னு தந்தக் குழலும் துருத்தியும்
மின்னு நுண்இடை மெல்லிய லார்கொடு
நின்னி லென்றெதிர் நீர்விளை யாடினார். |
(இ - ள்.)
பொன்னின் வட்டிலும் - தங்கத்தாற் செய்த
வட்டில்களும். பொன்னின் விசிறியும் தங்கத்தாற் செய்த நீர்த்
துருத்திகளும், துன்னும் தந்தக் குழலும் - இறுக்கமான தந்தக் குழாய்களும்,
துருத்தியும் - தோல் துருத்திகளும், மின்னு நுண் இடைமெல்லியலார் -
மின்னல் போன்ற நுண்ணிய இடுப்பினையுடைய மென்மைப்
பண்பினையுடைய பெண்கள், கொடு - கொண்டுவந்து, நில் நில் என்று
எதிர் நீர் விளையாடினார் - நில் நில் என்று சொல்லி ஒருவருக்கொருவர்
எதிர் நின்று நீரைத் தெளித்து விளையாடினார்கள்.
தங்க வட்டில் : நீர் முகந்து வைத்துக்கொள்வதற்கும்,
ஏனைய நீர்
தெளிப்பதற்குமாம். நுண்ணிடை : பண்புத்தொகை. கொடு : தொகுத்தல்;
நில் + நில் நின்னில். ''லள மெலி மேவின் னணவும்'', ''னலமுன் றனவும்
ஆகுந் தநக்கள்'' விசிறி - நீரைச் சொரியும் கருவி. தந்தக்குழல் -
யானைத்தந்தத்தாற் செய்யப்பட்ட நீர் செலுத்துங் குழல். துருத்தி -
தோலாற் செய்யப்பட்ட நீர் செலுத்துங் கருவி. இவை நீர் விளையாடற்
குரியன நீரை இடைவிடாது ஒருவர்மே லொருவர் பாய்ச்சும்போது
பொறுக்க முடியாமல் ஓடுவாரை நோக்கி நில் நில், என்று கூறினர் எனக்
கொள்க.
(295)
| |
நீர்
விளையாடற் சிறப்பு |
| 400. |
ஆழி
சோர அணிவடம் சோர்ந்திடத்
தாழி நீர்மொண்டு தாம்எறிந் தாடினார்
ஏழு மேகமும் ஒத்திடத் துப்பொழி
ஊழி காலத்து மாரியை ஒக்கவே. |
|