|
| 405. |
காரு
ருக்கொள் கருங்குழல் கைக்குழல்
நீரொ ருத்தி நிதம்பத்திற் றாக்கலாற்
போருக் கென்று புறப்படும் புட்பகத்
தேருக் கிட்ட திரள்வடம் ஒத்ததே. |
(இ
- ள்.) கார் உருக்கொள் கருங்குழல் - மேகத்தின் நிறங்
கொண்ட கருமையான கூந்தலையுடைய ஒரு பெண்ணின், கைக் குழல் நீர்
- கையிலுள்ள நீர் தூற்றுங் குழலின் நீரை, ஒருத்தி நிதம்பத்தில்
தாக்கலால் - மற்றொருத்தியின் அல்குலில் பாய விடுதலால், போருக்கு
என்று புறப்படும் புட்பகத்தேருக்கு இட்ட திரள் வடம் ஒத்தது -
சண்டைக்கென்று வெளிப்படும் புட்பகத் தேருக்கு இடப்பட்ட திரண்ட
முத்துமாலையைப் போன்றிருந்தது.
நீர் ஒழுங்காகத் தெறிக்கப்பட்டது முத்துமாலை போன்றிருந்தது.
அல்குல் ஒரு தேர் போலத் தோன்றிற்று. அதன்மேல் விழும் நீர் வீழ்ச்சி
முத்துமாலைபோல இருந்தது என்றுகொள்க.
(301)
| 406. |
புழுகு
சந்தனம் பொன்னிறக் குங்குமம்
ஒழுகு செச்சை உதகம் இமசலம்
வழுவில் டொற்சுண்ண நல்லெண்ணெய் மஞ்சணீர்
முழுதும் வல்லியர் மொண்டெறிந் தாடினார். |
(இ - ள்.)
புழுகு சந்தனம் பொன்னிறக் குங்குமம் - புனுகும்
சந்தனமும் பொன்னிறக் குங்குமமும், ஒழுகு செச்சை உதகம் - ஒழுகுகின்ற
செஞ்சாந்துக் குழம்பு நீரும், இமசலம் - குளிர்ந்த பனி நீரும், வழுவில்
பொற்சுண்ணம் - குற்றமற்ற பொன்னிறமான வாசனைப் பொடியும், நல்
எண்ணெய் - நல்லெண்ணெயும், மஞ்சள் நீர் - மஞ்சள் நீரும், முழுதும் -
ஆகிய இவைகள் எல்லாம், வல்லியர் மொண்டு எறிந்து ஆடினார் -
கொடிபோன்ற பெண்கள் முகந்து ஒருவர்மேல் ஒருவர் தெளித்து
விளையானார்கள்.
புழுகு முதலிய மணப்பொருள்களையும் பனிநீர் முதலிய
வாசனை
நீர்களையும், மணப்பொடிகளையும் எண்ணெய் வகைகளையும்
ஒருவர்மேலொருவர் எடுத்தெறிந்து நீர் விளையாடினர் என்க.
(302)
| 407. |
வம்பு
லாமுலை மாதர்க்கும் மைந்தர்க்கும்
கம்பு மால்களிற் றோனுக்கும் கன்னிக்கும்
அம்பு ராசியில் ஆர்அமு துற்றநாள்
உம்பர் கோன்உற்ற ஓகைவந் துற்றதே. |
(இ
- ள்.) வம்பு உலாம் முலை மாதர்க்கும் - வாசனை பரவுகின்ற
தனங்களையுடைய பெண்களுக்கும் மைந்தர்க்கும் - ஆடவர்க்கும், கம்ப
மால் களிற்றோனுக்கும் - அசைந்துகொண்டிருக்கும் தன்மையுடைய பெரிய
பட்டத்து யானையுடைய அரிச்சந்திரனுக்கும், கன்னிக்கும் - சந்திரமதிக்கும்,
அம்பு ராசியில் - தண்ணீர் மிகுந்த கடலில், ஆர் அமுது உற்ற நாள் -
அரிதான அமுதம் வந்து தோன்றிய போது, உம்பர் கோன் உற்ற ஓகை
வந்து உற்றது - தேவர்க்கு அரசன் அடைந்த மகிழ்ச்சி போன்ற மகிழ்ச்சி
வந்து பொருந்தியது.
|