பூதசாலைகளும், மாறு இலாத அனு போக சாலையும் - மாறுபாடிலாத
சுகங்களை அனுபவிக்கும் இடங்களும், ஊர் எலாம் - அமராவதி நகர
மெங்கணும் நிறைந்துள்ளன.

     எலாம்: தொகுத்தல்; உம்மை: எண்ணும்மைகள். மாபலி:
உரிச்சொற்றொடர். கின்னரம் : இசைக்கருவியி னொன்று. (யாழ்
போன்றது.)
                                                     (5)

417.	உயிர் எனத்தகும் அன்பர் தம்உடன்    உம்பர் மங்கையர் இன்பம்என் பயிர்வி ளைத்திடும் அவுணர் உற்றுறை    பதும ராகம் இலங்குவ செயிர்வி ளைத்திடும் அவுணர் உற்றுறை    திரிபுரத் தழல் ஒக்குநீள் வயிர முத்தொளி விரிவ தப்புறம்    மண்டு வெண்புகை ஒக்குமே.

     (இ - ள்.) உயிர் எனத் தகும் அன்பர்தம் உடன் - தங்களுக்கு
உயிர் என்று சொல்லத்தக்க நாயகருடன், உம்பர் மங்கையர் இன்பம் என்
பயிர் விளைத்திடும் - தேவகன்னியர் இன்பப்பயிரை விளைக்கிற,
மனைதொறும் - வீடுகளில் எல்லாம், பல பதுமராகம் இலங்குவ - பதுமராக
மணி பல ஒளிர்வன, அவை செயிர் விளைத்திடும் அவுணர் - துன்பத்தை
உண்டாக்குகிற அசுரர், உற்று உறை திரிபுரத்து அழல் ஒக்கும் -
பொருந்தி வாழ்கின்ற முப்புரத்தில் பற்றிய நெருப்புப் போல்வன, நீள்
வயிரம் முத்து - அவ்வீடுகளில் மிகுந்த வயிரங்களும் முத்துகளும், ஒளி
விரிவது - ஒளி பரப்புவது, அப்புறம் மண்டு வெண்புகை ஒக்கும் -
முப்புரத்தழலுக்கு வெளியே மண்டிய வெண்மையான புகை போன்று
தோன்றும்.

     பதுமராகம் தீப்போன்று ஒளிவிடும்; வயிரமும் முத்தும் மங்கலான
ஒளியாய் அத்தழலிற்றோன்றிய வெண் புகையை யொக்கும். இது
உவமையணி.
                                                     (6)

 

418.	அரவு மிழ்ந்தசெ மணியும் ஆரமும்    அணிகொள் இந்திர நீலமும் பரவு கின்ற மதிற்பு றத்த    பரப்ப னைத்தும் அழுத்தின நிரவி டும்பல திசைஅ டங்கலும்    நிமிர்கொ ழும்சுடர் விரிதலால் இரவு முண்டிள நிலவும் உண்டெறி    வெயிலும் உண்டொரு பொழுதினே.

     (இ - ள்.) பரவுகின்ற மதில் புறத்த பரப்பு அனைத்தும் - பரந்த
மதிலின் வெளிப்பரப்பு முழுவதிலும், அழுத்தின அரவு உமிழ்ந்த
செம்மணியும் ஆரமும் - அழுத்தப்பட்ட செந்நிறமான நாகரத்தினங்களும்
முத்துகளும், அணிகொள் இந்திர நீலமும் - அழகிய இந்திரநீலக்
கற்களும்,