(இ - ள்.) இட்டபத்தியின் - அவ்வாறு போடப்பட்ட வரிசையில்,
இந்த்ர நீலம் மிசைத் தடுத்த சுவர்க்குமேல் - இந்திரநீலக் கற்கள் மேலே
பதிக்கப்பெற்றுத் தடுத்த சுவருக்கு மேலே, மட்டு அறச் சுடர் மரகதத்தில்
- அளவற்ற ஒளிவீசுகின்ற பச்சைக் கற்களால், வகுத்து எடுத்த நிலத்தது -
செய்து உயர்த்தின தளத்தினை உடையது, விட்டவாயிலின் நட்ட தூண் -
உள்ளே புகும்படி விட்ட வாசலில் நட்டுள்ள தூண்களானவை, மணி
மேதகத்தது - அழகிய கோமேதகத்தினாலாயது, அரா மணி முட்டவைத்த
முகட்டது - நாகமணிகள் உச்சியிற் பதிக்கப்பெற்ற முகட்டினையுடையது,
ஒண் கதிர் முத்தணிந்த முகப் பது - பேரொளி வீசுகின்ற முத்துகளால்
அணிசெய்யப்பெற்ற முகப் பினையுடையது.

     நிலத்தது மேதகத்தது, முகட்டது, முகப்பது: ஒன்றன் பால் குறிப்பு
வினைமுற்றுகள்.

     ஏகாரம் : ஈற்றசை. அரசிருக்கை மண்டபத்தின் சிறப்புக் கூறுவது
இது. இந்திரநீலக் கற்சுவர், மரகதத்தால் அடித்தளம், தூண்கள்
கோமேதகம், நாகமணி முகப்பிற் பதிப்பிக்கப்பட்டது அம் மண்டபம்
என்க.
                                                    (20)

 

432.	ஆளி சிங்கம் இபம் பரித்திரள்    அன்னம் அஞ்சுகம் எண்ணிலா வோளி தோறு நிறுத்தி நீள்வயி    டூரி யத்தின் நிரைத்ததால் கோளி ருந்தன வோம டங்கல்    கொழுந்து விட்டன வோகுழூஉம் வாளி ருந்தன வோமு கட்டினில்    வைத்த பூரண கும்பமே.

     (இ - ள்.) ஆளி சிங்கம் இபம் பரித் திரள் அன்னம் அஞ்சுகம் -
யாளி சிங்கம் யானை குதிரை இவற்றின் கூட்டங்களையும் அன்னப்
பறவைகள் அழகிய கிளிகள் இவைகளையும், எண்ணிலா ஒளி தோறும்
நிறுத்தி - கணக்கற்ற வரிசைகள் தோறும் நிற்கச்செய்து, நீள்
வயிடூரியத்தின் நிரைத்தது - நீண்ட வயிடூரியத்தால் நிரலாக
வைக்கப்பட்டது, முகட்டினில் வைத்த பூரண கும்பம் - மேல்முகட்டில்
வைக்கப்பட்ட நிறைகுடம், கோள் இருந்தனவோ - நட்சத்திரங்கள்
கூடியிருந்தனவோ, மடங்கல் கொழுந்துவிட்டனவோ -
வடவாமுகாக்கினியே கொழுந்துவிட்டெரிகின்றனவோ, குழூஉம் வாள்
இருந்தனவோ - கூடிய ஒளிகள் எல்லாம் திரண்டு இருந்தனவோ என
விளங்கினது.

     ஐய அணி, இலா: ஈறுகெட்ட எதிர்மறைப் பெயரெச்சம், குழூஉம்:
இன்னிசை யளபெடை;

     ஏகாரம் : ஈற்றசை: நிரைத்தது+ஆல்: அசை. மண்டபம் நீரைத்தது
எனக் கூட்டுக. பூரண கும்பம் இருந்தவோ, விட்டனவோ இருந்தனவோ
என்ன விளங்கிற்று எனச் சொல் வருவித்து முடிக்க.
                                                    (21)