(இ - ள்.) கொற்ற வாசவன் கூறிய மாற்றமும் - வெற்றிபொருந்திய
இந்திரன் கூறிய சொற்களையும், மற்று ஓர் வாய்மை வசிட்டன் உரைத்ததும்
- ஏனை ஒப்பற்ற உண்மையே உரைக்கும் வசிட்டனது மொழியும், உற்ற
ஆறும் உணர்த்துதல் இன்றியே - அதற்குமேல் அங்கு நடந்தவற்றையும்
கூறாமலே, ஓர் வஞ்சனை கற்று கட்டுறை கூறுவான் - வேறோரு
வஞ்சனையைக் கற்பனை செய்து புதிதாகக் கட்டிமொழிந்தான்.

     முனிவர் வினாவுக்கு நிகழ்ந்த செயல்களைக் கூறாமல் வஞ்சனையாக
விசுவாமித்திரன் மற்றொன்று கூறுவான். அது பின்வருங் கவியால்
அறியலாம்.
                                                     (5)

 

	விசுவாமித்திரன் 'வேள்வி செய்ய வந்தேன்' என்றல்
464.	தெரியு நீண்மறை தேவர் அவைக்கணே பெரிய மாதவர் பேசிய வேள்வியில் அரிய தொன்று முடிக்கும் அவாவினாற் கரிய ஓலக் கடற்புவி எய்தினேன்.

     (இ - ள்.) நீள் மறை தெரியும் தேவர் அவைக்கண் - நீண்ட
வேதங்கள் உணர்ந்த தேவர்களின் சபையில், பெரிய மாதவர் பேசிய
வேள்வியில் - சிறந்த பெருந்தவமுனிவர் கூறிய வேள்வியில், அரியது
ஒன்று முடிக்கும் அவாவினால் - அருமையான ஒப்பற்ற வேள்வியை
முடிக்க வேண்டுமென்ற விருப்பத்தினால், கரிய ஓலக் கடல் புவி
எய்தினேன் - கருமையான ஒலிக்கின்ற கடல் சூழ்ந்த இவ்வுலகினை
அடைந்தேன்.

     கடற்புவி : முன்றாம்வேற்றுமை உருபும் பயனும் உடன்தொக்க
தொகை, கரிய : குறிப்புப்பெயரெச்சம், தேவர் அவைக்கணே தெரியும்
நீண்மறை பெரிய மாதவர் எனக் கூட்டிப் பொருள்கொள்வதே சிறந்தது.
தெரியும் நீண்மறை வேள்வி எனக் கூட்டி ஆராயும் நீண்ட (பெரிய)
வேதத்திற் கூறிய வேள்வி எனக் கூறலும் ஒன்று.
                                                     (6)

 

	கோசிகன் கூறலும் முனிவர் கூறலும்
465.	சொல்வ தொன்றுண்டு கேட்கத் துணிந்திரேல் நல்ல தென்று கௌசிகன் நாட்டினான் அல்ல தாயினும் நின்சொல் மறுத்திடல் வல்ல மோஎன்று மாதவர் கூறினார்.

     (இ - ள்.) சொல்வ தொன்று உண்டு - (அரிய வேள்வி
முடிப்பதற்கு நான் உங்களிடம்) சொல்லவேண்டிய தொன்றிருக்கிறது,
கேட்கத் துணிதிரேல் - நீங்கள் கேட்கத் துணிந்தால், நல்லது என்று
கௌசிகன் நாட்டினான் - நன்மையாகும் என்று விசுவாமித்திரன்
கூறினான், மாதவர் - பெருந்தவ