589.	அனர்த் தம்விளைக்க விடுத்தத வத்தன்அ ளித்தஉ                                        ரைப்படியே  சினத்து வெறித்தும தக்கரி கற்கிதி டுக்கிட வுற்றணுகி இனத்து ரகத்தரு ணக்கன கத்திர தத்தினை எற்றுகெனா மனத்தி னினைத்துவ லத்தபு றத்தின்ம ருப்பைஒ டுக்கியதே.

     (இ - ள்.) அனர்த்தம் விளைக்க விடுத்த தவத்தன் அளித்த
உரைப்படியே கெடுதலைச்செய்யுமாறு தன்னை அனுப்பிய
தவமுனிவனாகிய விசுவாமித்திரன் கூறிய மொழியின்படி, சினத்து
வெறித்து - சினங்கொண்டு வெறிகொண்டு, மதக் கரி கற்கி திடுக்கிட
உற்று அணுகி - மதயானைகளும் குதிரைகளும் அஞ்சும்படி நெருங்கி,
இன துரகத்து அருண கனகத்து-கூட்டமான குதிரைபூண்ட சிவந்த
பொன்னால் ஆன, இரதத்தினை ஏற்றுக எனா - அரிச்சந்திரனுடைய
தேரை உடைத்து அழிக்கவேண்டுமென்று, மனத்தில் நினைத்து வலத்த
புறத்தின் மருப்பை ஒடுக்கியது - மனத்திலே நினைத்து வலப்புறத்துக்
கொம்பைச் சாய்த்துக்கொண்டு சென்றது.

     எற்றுக + எனா + எற்றுகெனா, அகரம் மறைந்தது, இது
தொகுத்தல் விகாரம். கல்கி - கற்கி, குதிரை. கனகத் திரதம் - பொற்றேர்.
இஃது அரிச்சந்திரன் ஏறிவந்த தேரைக் குறிப்பாலுணர்த்தியது. எற்றுக
என்ற வியங்கோள் நான் எற்றுக எனத் தன்மை யொருமையில்வந்தது.
                                                    (69)

 

	மன்னன் பன்றியை எய்தல்
590.	உதித்த துணைப்பிறை ஒத்தம ருப்பைஒ டுக்கஉ ணர்ச்சிபெறாக் கதித்த பருத்தசி லைக்குள்அ டுத்தொர்க னற்கணை                                         தொட்டுவிட எதிர்த்த கிருட்டியின் நெற்றியில் முற்றிஎ டுத்தக                                    லக்கொடுபோய் விதிர்த்து டல்உட்கி வெருக்கொள மாருற்றெவெற்பிடை                                      [உய்த்ததுவே.

     (இ - ள்.) உதித்த துணைப் பிறை ஒத்த மருப்பை ஒடுக்க -
பன்றி தோன்றிய இரண்டு பிறைகளைப் போன்ற கொம்புகளை
வலப்புறமாகச் சாய்த்துக்கொண்டு சென்றபோது, உணர்ச்சி பெறா -
அரிச்சந்திரன் அதன் குறிப்பை அறிந்து, கதித்த பருத்த சிலைக்குள்
அடுத்து ஓர் கனல் கணை தொட்டுவிட - உறுதியான பெரிய தன்
வில்லில் ஒரு நெருப்பைச் சிந்தும் அம்பினைத் தொடுத்து விட்டவுடன்,
எதிர்த்த கிருட்டியின் நெற்றியில் முற்றி - எதிர்த்து வந்த பன்றியின்
நெற்றியில் பட்டு, எடுத்து அகலக் கொடு போய் - அதனைத் தூக்கி
நெடுந்தொலைவில் கொண்டு சென்று, விதிர்த்து உடல் உட்கி
வெருக்கொள - நடுங்கி உடல் கூசி அஞ்சும்படி, மற்றொரு வெற்பிடை
உய்த்ததுவே - மற்ெறோரு மலையில் விழும்படி கொண்டுபோய் எறிந்தது.

     துணைப்பிறை ஒத்த என்பது இல்பொருள் உவமை. உணர்ச்சி பெறா
- அப் பன்றியின் அறிவைக் குறிப்பால் தான் கண்டு, தொட்ட கணை
பன்றியின் நெற்றியில் பட்டு அப் பன்றியை நெடுந்தூரங் கொண்டுபோய்
ஒரு மலையிற் சேர்த்தது என்க.
                                                    (70)