|
அயன்,
முன் வினைப்பயனை எடுத்த பிறவியில் உயிர் நுகரும்படி
அரன் ஆணையால் விதிப்படி வகுத்து வரையுந் தொழிலினனாதலின்,
'விதியவன்' என்ற காரணப்பெயர் பெற்றான். இரு சிறையும் - முற்றும்மை;
கொடு : தொகுத்தல் விகாரம்; மார் : மார்பு என்றதன் மரூஉ. மட
அன்னம் : பண்புத்தொகை. ஏகாரம் :
தேற்றம்.
கவியின்
சிவபரத்துவக் கருத்தினை இச் செய்யுள் புலப் படுத்துகிறது.
(36)
| |
எருதின்
குளம்புகள் பூந் தாது படிந்து
பொன்னுரைகற் போன்றன |
| 51. |
நன்னு ரைத்தட
நாண்மலர்த் தாதுறீஇப்
பன்னு ரைத்த பகட்டின் பதக்களம்
பென்னு ரைப்ப திடமற வெங்கணும்
பொன்னு ரைத்த நிறத்தகற் போன்றவே. |
(இ - ள்.)
பல் நுரைத்த பகட்டின் பதக் குளம்பு - மெய் வருந்தி
உழுததினால் பற்களில் நுரை கக்கிய எருதுகளின் கால்களிலுள்ள
குளம்புகளுக்கு, என் உரைப்பது - எதனை உவமை கூறுவது, நல் நுரைத்
தடம் நாள் மலர்த் தாது இடம் அற எங்கணும் உறீஇ பொன் உரைத்த
நிறத்த கல் போன்ற - (அவை) நல்ல நீர் நுரைகளையுடைய குளத்தில்
அன்றலர்ந்த தாமரைப் பூந்தாது வெற்றிடம் இல்லாமல் முழுதும்
பொருந்தப்பெற்று, பொன் னுரைத்த நிறத்தோடு கூடினவாகிய
உரைகற்களை ஒத்திருந்தன.
உவமை அணி, உறீஇ : சொல்லிசை யளபெடை. குளம்பு
: பால்பகா
அஃறிணைப்பெயர்; நிறுத்த : குறிப்பு வினையாலணையும் பெயர்;
கற்போன்ற : இரண்டனுருபுதொக்கது. பன்னுரைத்த பகட்டின் பதக் குளம்பு
இடம் அற எங்கணும் நன்னுரைத் தடநாண் மலர்த் தாதுறீஇ.
பொன்னுரைத்த........போன்ற என்னுரைப்பது எனக் கூட்டினும் பொருந்தும்.
என்னுரைப்பது - அதன் சிறப்பை எவ்வாறு கூறுவது என்றும் பொருள்
கொள்ளலாம்.
(37)
| |
உழவர்
செந்நெல்லும் வெண்ணெல்லும் விதைத்தல் |
| 52. |
தொக்க வேதியர்க்
கும்துற வோர்கட்கும்
தக்க தானம் தருபவர் போலவே
பக்க நோக்கிப் பலிப்பறிந் தெங்கணும்
மிக்க செந்நெலும் வெண்ணெலும் வித்தினார். |
(இ
- ள்.) தொக்க வேதியர்க்கும் துறவோர்கட்கும் தக்க தானந்
தருபவர் போல - தொகுதியாகச் சேர்ந்து கூடியிருக்கின்ற மறையவர்க்கும்
துறவிகளுக்கும் தக்க முறையில் பொருள் வழங்குபவர் போல, பக்கம்
நோக்கிப் பலிப்பு அறிந்து - நிலத்தின் தன்மையையும் விளைவின்
அளவையும் ஆராய்ந்து, எங்கணும் மிக்க செந்நெலும் வெண்ணெலும்
வித்தினார் - எல்லா இடங்களிலும் செந்நிற நெல் விளையும் இடங்களில்
செந்நெல் விதையும் வெண்மைநிற நெல் விளையும் இடங்களிலும்
வெண்ணெல் விதையும் விதைத்தார்கள்.
|