954.	ஏற்கு மோபொருட் குன்னைவிற் றீகுவ தார்க்கும் மாதவ னெண்ண மறியலாம் தார்க்கு லாவுவெள் வேலவ தாழ்க்கிலா தூர்க்கு ளென்னைவிற் றொண்ணிதி நல்கென்றான்.

     (இ - ள்.) பொருட்கு உன்னை விற்று ஈகுவது ஏற்குமோ -
பொருளுக்கு உன்னை விற்றுக்கொடுப்பது பொருந்துமோ?, ஆர்க்கும்
மாதவன் எண்ணம் அறியலாம் - முனிவனுடைய எண்ணம் எல்லோராலும்
அறியப்படும், தார் குலாவு வெள் வேலவ - மாலையணிந்து விளங்குகின்ற
வெண்மையான வேலையுடைய அமைச்சனே, தாழ்க்கிலாது ஊர்க்குள்
என்னை விற்று ஒண் நிதி நல்கு என்றான் - காலந் தாழ்த்தாமல் ஊரினுள்
என்னை விற்று வெள்ளியினிடம் கொடுக்க வேண்டிய செல்வத்தைக்
கொடு என்றான்.

     ஆர்க்கும், யாராலும் : உருபுமயக்கம்; ஆர்க்கும் - ஆரவாரம்
செய்கின்ற என்றும் பொருள் கொள்ளலாம்.

     'நான் பட்ட கடனுக்கு உன்னை விற்றுப் பொருள் கொடுப்பது
தகுமோ? முனிவன் எண்ணம் எவரும் அறிந்ததே! ஆதலால், தாமதியாது
என்னையே விற்றுக் கொடுத்துவிடு' என்று கூறினான் வேந்தன் என்பது.
                                                    (48)

 

	மந்திரி மன்னனை விலைகூறி விற்றல்
955.	என்ன பாவ மெனக்குப் பலித்ததென் றந்ந கர்ப்பல ஆவண வீதிவாய்ப் பொன்னின் மாமுடி மீதிற்புற் சூடியே மன்ன னைவிலை மந்திரி கூறுவான்.

       (இ - ள்.) என்ன பாவம் எனக்குப் பலித்தது என்று - என்ன
பாவவினை எனக்கு வந்து நேர்ந்தது என்று, அந் நகர்ப் பல ஆவண
வீதி வாய் - அந்த நகரத்துப் பல கடைத்தெருக்களின் வழியாக,
பொன்னின் மாமுடி மீதில் புல் சூடியே - பொன் முடியின்மேல் புல்லைச்
சூடி, மன்னனை் விலை கூறுவான் - மந்திரி மன்னனை விலை கூறிச்
சென்றான்.

     மந்திரி 'இது என்ன பாவச் செயல் எனக்கு வந்து சேர்ந்தது!' என்று
மனம் வருந்தி மன்னனை விலை கூறினன் தெருவில் என்பது
                                                    (49)

 

956.	ஆதி நூலின ராயினு மல்லது சாதி யீனர்க ளாயினும் சால்புடைக் கோதி லான்றனைக் கொண்மி னெனப்பல வீதி தோறும் விலையது கூறினான்.

     (இ - ள்.) ஆதி நூலினர் ஆயினும் - மறைநூல்களைக் கற்ற
அந்தணராயினும், அல்லது சாதி ஈனர்களாயினும் - அல்லது சாதியில்
அழிந்து கீழ்மக்களாயினும், சால்பு உடைக் கோது இலான் தனைக்