|
தெறித்து அழல் விழியாற்
சிந்த தீண்டிற்று - கண்களில் நெருப்புப்பொறி
தெறிக்கும்படி தீண்டியது, தீண்டலொடும் - தீண்டியவுடன், வெறித்தெழுந்து
அலறி ஓடி வெருவியே தரையில் வீழ்ந்தான் - மயங்கி எழுந்து அலறி ஓடி
அஞ்சித் தரையில் விழுந்தான்.
தேவதாசன்
தருப்பை கொய்தபோது அதனுள்ளிருந்த பாம்பு
அவனைக் கடித்தது; மயங்கி விழுந்தான். அப் பாம்பு விசுவாமித்திரனால்
விடுக்கப்பட்டது. கோள் - கொலை.
(6)
| 983. |
வடத்தின்கீ
ழிருந்த தோழர் மறுகிப்போய் வள்ளல் வீழ்ந்த
இடத்தினை அணுகி யையோ வென்னுற்ற துரையா யென்னப்
படத்தினாற் பெரிய நாகம் கடித்தது பாரு மென்று
விடத்தினா லறிவு சோர்ந்தான் லிட்டுயி ரடங்கிற் றன்றே. |
(இ - ள்.) வடத்தின் கீழ் இருந்த
தோழர் மறுகிப் போய் -
ஆலமரத்தின் அடியில் தங்கியிருந்த தோழர்கள் மயங்கிச் சென்று,
வள்ளல் வீழ்ந்த இடத்தினை அணுகி ஐயோ என் உற்றது உரையாய் என்ன
- மன்னன் மைந்தன் வீழ்ந்த இடத்தை நெருங்கி ஐயோ என்ன நேர்ந்தது
உரைப்பாய் என்றவுடன், படத்தினாற்பெரிய நாகம் கடித்தது பாரும் என்று
- படத்தொடு கூடிய பெரிய நாகம் கடித்துவிட்து பாருங்கள் என்று,
விடத்தினால் அறிவு சோர்ந்தான் விட்டு உயிர் அடங்கிற்று அன்றே -
விடத்தினாலே அறிவு சோர்ந்து மயங்கி விழுந்தான்; அவன் உடம்பை
விட்டு உயிரும் நீங்கியது.
ஆலமரத்தின்கீழ் அமர்ந்திருந்த தோழர் ஓடிப்போய்ப்
பார்த்தனர்;
தேவதாசன் 'என்னைப் பாம்பு கடித்துவிட்டது; பாருங்கள்' என்று
காட்டினான்; உடனே மயக்கம் உண்டாகி அவன் உயிர் நீங்கியது என்க.
(7)
| |
தேவதாசன்
இறந்ததை யறிந்து உடன்வந்த சிறார்
ஊருக்குச்
செல்லுதல்
|
| 984. |
ஆவிபோ யகன்ற
பின்னை அனைவரும் புரட்டிப் பார்த்துப்
பாவியூ ழென்னே இந்தப் பாலக னிறந்தா னென்னா
மேவியவ் வடத்தின் கீழ்வந் தவரவர் விறகு கொண்டு
காவியம் கழனி சூழும் காசியம் பதியிற் புக்கார். |
(இ
- ள்.) ஆவி போய் அகன்ற பின்னை - உயிர் நீங்கிப்போன
பிறகு, அனைவரும் புரட்டிப் பார்த்து - எல்லோரும் புரட்டிப் பார்த்து
விட்டு, பாவி ஊழ் என்னே இந்தப் பாலகன் இறந்தான் என்னா -
பாவியாகிய தீய ஊழ்வினையால் இந்தப் பாலகன் இறந்துவிட்டானே என்று,
மேவி அவ்வடத்தின்கீழ் வந்து அவரவர் விறகு கொண்டு - நிலைத்து அந்த
ஆலமரத்தின்கீழே வந்து அவரவருடைய விறகை எடுத்துக்கொண்டு, காவி
அம் கழனி சூழும் காசி அம் பதியிற் புக்கார் - நீலமலர்கள் நிறைந்த
வயல்களால் சூழப்பெற்ற காசிமாநகரத்தை அடைந்தனர்.
|