"கண்டார் உயிருண்ணுந் தோற்றத்தாற் பெண்டகைப்
பேதைக் கமர்த்தன கண்"                   -(1084)
என்னுங் குறட்பாவிற் காண்க.
                                                    (12)

     (இ - ள்.) முரண் நெடுங் குலிசத்தவன் மூண்ட போர்க்கு அரண்
நமக்கு அரிச்சந்திரனாம் எனா - வலிமை பொருந்திய நீண்ட வச்சிரா
யுகத்தையுடைய இந்திரன் தொடங்கிய போரில் நம்மைத் துன்பந்
துடைத்துக் காப்பவன் அரிச்சந்திரன் ஆகும் என்று, சரண் அடைந்த
தடவரை ஈட்டம்போல் - அடைக்கலம் என்று வந்தடைந்த பெரிய
மலைக்கூட்டம்போல, திரள் நெடும் பரித் தோ அணி நிற்கும் - திரட்சியும்
நீட்சியும் அமைந்த குதிரைகள் பூட்டப்பட்ட தேர் அணிகள் நிற்கும்.

     தேரின் திரட்சிக்கும் நீட்சிக்கும் உயர்வுக்கும் மலையை உவமை
கூறலின் உவமை அணி. எனா : செய்யா என்னும் வாய்பாட்டு
வினையெச்சம். தடவரை : உரிச்சொற்றொடர். ஏகாரம் : ஈற்றசை. இந்திரன்
வச்சிரப்படையால் மலைகளின் சிறைகளை அரிந்தான் என்பது இலக்கிய
மரபு. அதனால் அம் மலைகள் முன்னடந்த இந்திரன் போரைக் கருதி
அரிச்சந்திரன்பால் வந்து சரணடைந்தன என்பது கருத்து. இது
தற்குறிப்பேற்றம்.
                                                    (13)

 

	அயோத்தியில் பல நிலையங்கள்
87.	ஏம சாலையும் இன்னிசைச் சாலையும் ஓம சாலை யுடனறச் சாலையும் தூம சாலையும் தோகையர் மாதவக் காம சாலையும் மேகணக் கில்லவே.

     (இ - ள்.) ஏம சாலையும் - நிதிச் சேமிப்புச் சாலைகளும், இன்
இசைச் சாலையும் - இனிய இசைப் பயிற்சிச் சாலைகளும், ஓம சாலையுடன் அறச்சாலையும் - யாகசாலையுடன் அறநிலையங்களும், தோகையர் தூம
சாலையும் - பெண்களின் சமையற் கட்டுக்களும், மாதவக் காம சாலையும்
- மெய்த் தவத்தினையே விரும்புகின்ற தவப் பள்ளிகளும், கணக்கு இல்ல
- எண்ணிறந்தன.

     சாலையுமே - தோகையர். தோகை என்பது சினையாகுபெயராய்
மயிலினை உணர்த்தி மயிலின் சாயல் போன்ற சாயலுடைய பெண்களுக்கு
உவமையாகு பெயராய் நிற்றலின் இருமடியாகுபெயர்.

     ஏமம் - பொன். ஓமம் - வேள்வி. அறச்சாலை - அறங்கள்
முப்பத்திரண்டும் நடக்கும் இடம். தூமம் - புகை. இது அப் புகையுடைய