மூவரும் அனைய நீர்மை முனிவனும் காசி வேந்தும் ஏவரும் நிகரி லானும் இனிதுரைத் துடன் இருந்தார்.

     (இ - ள்.) தேவரும் முனிவர் தாமும் திண் புவித் தலைவர் தாமும்
- தேவர்களும் முனிவர்களும் மண்ணுலக மன்னர்களும், யாவரும் அகன்ற
பின்னர் - யாவரும் விடைபெற்றுச் சென்றபிறகு, இணை மணிக் கவரி வீச
-அழகிய இரண்டு கவரி பக்கத்தில் வீச, மூவரும் அனைய நீர்மை
முனிவனும் - அயன்அரி அரன் என்னும் முத் தேவர்களைப்போன்ற
தன்மையுடைய வசிட்ட முனிவனும், காசி வேந்தும் - காசி மன்னனும்,
ஏவரும் நிகர் இலானும் - யாவரும் ஒப்பில்லாத அரிச்சந்திர மன்னனும்
இனிது, உரைத்து உடன் இருந்தார் - இனிய மொழிகள் பேசிக்கொண்டு
இருந்தனர்.

     முத்தேவர்க்கு ஒப்பாக வசிட்ட முனிவனைக் கூறுதல் வழக்காதலின்
'மூவரும் அனைய நீர்மை முனிவன்' என்றார். ஏவரும் என்பது
வினாப்பெயர். ஏ : என்பது பகுதி; நிகர் இலான் : வினையாலணையும்
பெயர்.
                                                    (74)

 

	காசி மன்னன் கோசிகன் வரலாறு கூறுமாறு           வசிட்டனை வேண்டுதல்
1187.	இருந்தபின் காசி வேந்தன் வசிட்டனை இறைஞ்சி ஏத்தி அருந்தவர் தம்பால் ஐய அறமலால் மறமும் உண்டோ வருந்திட இவர்பால் இந்த வன்கண்மை செய்ய உள்ளம் பொருந்திய வாறே தென்ன வசிட்டனும் புகல லுற்றான்.

       (இ - ள்.) இருந்த பின் காசி வேந்தன் வசிட்டனை இறைஞ்சி
ஏத்தி - மூவரும் இருந்த பின்பு காசி மன்னன் வசிட்டமுனிவனை
வணங்கி வழிபட்டு, அருந்தவர் தம்பால் ஐய அறம் அலால் மறமும்
உண்டோ - அரிய தவமுனிவரிடத்து ஐயனே! அறக்குணமாகிய
அருட்குணம் அல்லாமல் பாவத்திற்குரிய தீய பண்பும் உண்டாகுமோ?,
வருந்திட இவர்பால் இந்த வன்கண்மை செய்ய - வருந்தும்படி
இவர்களிடத்தில் இந்தக் கொடுமை செய்வதற்கு, உள்ளம் பொருந்திய
வாறு ஏது என்ன - மனம் பொருந்தியதற்குக் காரணம் யாது? என்று
கேட்டபோது, வசிட்டனும் புகலல் உற்றான் - வசிட்ட முனிவன் விடை
கூறத் தொடங்கினான்.

     'முனிவர் அருட்குணம் உடையவர்; ஆதலின், அறச்செயல்களே
அவர்பால் இருத்தல் வேண்டும். அங்ஙனம் அன்றி மறச்செயல்
(பாவச்செயல்) கோசிக முனிவரிடத்து இருப்பதற்குக் காரணம் யாது?'
எனக் காசி மன்னன் கேட்டான்.
                                                    (75)

 

	வசிட்டன் விசுவாமித்திரன் வரலாறு கூறுதல்
1188.	நிலத்தியல் பற்றே கொண்மூ நீரியல் பதனாற் றங்கள் குலத்தியல் பெவர்க்கும் மன்னா வாழினும் கெடினும் குன்றா