கண்டிலாதான் : எதிர்மறை முறெச்சம் : காண்; பகுதி : ட் : இறந்தகால
இடைநிலை; இல் : எதிர்மறை இடைநிலை; ஆ: சாரியை: ஆன் :
வினையாலணையும் பெயர் விகுதி : த் : எழுத்துப்பேறு. காண் : கண்
என ஆனது விகாரம். புகு : பகுதி. ஒற்று இரட்டித்து இறந்தகாலங்
காட்டியது. கரை நிலை : உம்மைத்தொகை.

     "காமக் கடல்மன்னும் உண்டே அதுநீந்தும்
     ஏமப் புணைமன்னும் இல்"
என்பது திருக்குறள்.
                                                    (26)

     (இ - ள்.) மதனன் அம்பால் மயங்கினான் வருந்தினான் மெய்
வாடினான் தியங்கினான் - மன்மதன் அம்பினால் (அரிச்சந்திரன் மயங்கி)
வருந்தி உடன் மெலிந்து சோர்ந்து, வளர்ந்த காமத்தீயினால் செயல் இற்று
ஆவி தயங்கினான் - மென்மேல் மூண்ட வேட்கைத் தீயினால்
செய்வதறியாது உயிர் தயக்கமுற்று, தீரா மோக தாகத்தால் தளர்ந்து
மேன்மேல் உயங்கினான் - நீங்காத மோக தாகத்தினால் தளர்ந்து மேலும்
மேலும் வருந்தி, உருகி மெய் சோர்ந்து உளத்தொடும் உரைப்பன்
ஆனான் - மனம் உருகி உடல் சோர்ந்து தன் நெஞ்சோடு சொல்லத்
தொடங்கினான்.

     மயங்கினான் வருந்தினான் வாடினான் தியங்கினான் தயங்கினான்
உயங்கினான் என்ற வினைமுற்றுகள் எச்சப்பொருளை யுணர்த்தின.
                                                    (27)

 

	நெஞ்சொடு கிளத்தல்
132.	தந்தமால் களிற்றி யானைச் சந்திர தயன்தன் பாவை வந்தமா முனிவரோடும் வந்திவண் மாய மாகி எநதம்ஆ ருயிரை வௌவி எம்உளம் புகுந்து கைக்கொண டந்தமா முனிவ ரோடு அகன்றதோ அறிகி லேமால்.

     (இ - ள்.) தந்த மால் களிற்று யானை சந்திரதயன் தன் பாவை -
கொம்புகளையுடைய மதம் பொருந்திய பட்டத்து யானையையுடைய
சந்திரதயனுடைய பெண்ணாகிய சந்திரமதி, வந்தாமா முனிவரோடும் இவண்
மாய மாகி வந்து எம் தம் ஆர் உயிரை வௌவி எம் உளம் புகுந்து
கைக்கொண்டு - இங்கு வந்த சிறந்த முனிவர்களோடு இங்கே
கட்புலனாகாத மாயை வடிவத்தில் வந்து என் மனம் புகுந்து நெஞ்சைக்
கொள்ளைகொண்டு, அந்த மா முனிவரோடு அகன்றதோ அறிகிலேம் -
அந்தச் சிறந்த முனிவர்களோடு சென்றாளோ தெரிகிலேன்.

     களிறு + யானை - களிற்றி யானை : இகரம் குற்றியலிகரம் : பாவை
: உவமையாகுபெயர்; மா முனிவர் : உரிச்சொற்றொடர்; ஓகாரம் : ஐயம்;