|
(இ
- ள்.) அனைய வல்லி - அத்தகைய கொடிபோற் கொடிய
சந்திரமதி, மாறு கொண்டு வாட்டிய வாட்டம் - பகைகொண்டு உயிர்
கவர்ந்து என்னை வாட்டிய வாட்டத்தை எல்லாம், சொல்லி ஆறுதற்கு -
நான் அவளிடம் சொல்லி மனம் ஆறுதற்கு, என்பால் நண்ணி
அணையுமோ - என்னை அடைந்து சேருமோ?, அணைகிலாமல் வேறும்
இப்படியே வாதை விளைக்குமோ - வந்து சேராமல் இன்னும் இத்
தன்மையான துன்பங் கொடுத்துக் கொண்டிருக்குமோ?, விளைக்கும்
வாதை ஏறுமோ குறையுமோ என்று இறைவன் இப்பால் இருந்தனன் -
சந்திரமதியால் உண்டாகும் துன்பம் மிகுமோ அல்லது குறையுமோ என்று
எண்ணிக்கொண்டு அரிச்சந்திரன் அயோத்தியில் இருந்தான்.
ஓகாரம்
: ஐயப்பொருளில் வந்தது; அணையுமோ, விளைக்குமோ,
வாதை ஏறுமோ குறையுமோ என்று இறைவன் இப்பால் இருந்தனன் என
வினைமுடிவு செய்க. என்று - என்று எண்ணி, தனக்குள் கூறி.
(32)
| |
மதிதயன்
அவையில் மாதவர் புகுதல் |
| 137. |
மானவன்
வதுவை சூட்ட மணமொழி வதற்கு நண்ணிப்
போனமா முனிவர் பூகப் பொழிலுடன் பொய்கை நீங்கிக்
கானமும் மலையும் ஆறும் கடந்துகன் னோசி என்னும்
மாநகர் அணுகிக் கொற்ற மதிதயன் சபையிற் புக்கார். |
(இ - ள்.)
மானவன் வதுவை சூட்ட மணம் மொழிவதற்கு
நண்ணிப் போன மா முனிவர் - பெருமைபொருந்திய அரிச்சந்திர
மன்னனுக்குத் திருமணம் செய்வதற்குத் திருமணப்பேச்சு நிகழ்த்தச்
சேர்ந்து சென்ற சிறந்த முனிவர்கள், பூகப் பொழிலுடன் பொய்கை நீங்கி
- கமுகந்தோட்டங்களுடன் அருகிருந்த குளங்களையுங் கடந்து போய்,
கானமும் மலையும் ஆறும் கடந்து - காடுகளையும் மலைகளையும்
ஆறுகளையும் நீங்கி, கன்னோசி என்னும் மாநகர் அணுகி - கன்னோசி
என்று சொல்லப்படும் சிறந்த நகரினை அடைந்து, கொற்ற மதிதயன்
சபையில் புக்கார் - வெற்றிபொருந்திய மதிதய மன்னன் அவையில்
புகுந்தார்கள்.
என்னும் - என்று சொல்லப்படுகின்ற : செயப்பாட்டு
வினைப்
பொருளுணர்த்தும் படு விகுதி தொக்குநின்றது. கொற்றம் - வெற்றி.
போன மாமுனிவர் நீங்கி : கடந்து அணுகி புக்கார் என வினை முடிவு
செய்க.
(33)
| |
மதிதயன்
அவைச் சிறப்பு |
| 138. |
மேருவை
வெளிசெய் தன்ன மேனிலை மணிமா டத்து
வாரிதி எழுந்த தென்ன வந்தவன் தாளைப் போற்றத்
தேரும்யா னையும், ழிந்து திறையிடும் அரசர் நிற்கக்
காரும்நீள் கடலும் போலக் கதிர்மணி முரசம் ஆர்ப்ப. |
(இ
- ள்.) மேருவை வெளி செய்து அன்ன - மேருமலையைக்
குடைந்து வெளியிடம் அமைத்தது போலத் தோன்றும், மேல் நிலை மணி
|