(இ - ள்.) வன்னக் குவி மா முலை வல்லியரும் - அழகிய குவிந்த
முலைகளையுடைய வல்லிக்கொடிபோன்ற பெண்களும், கன்னல் சிலை
வேள் அன காளையரும் - கருப்பு வில்லையுடைய மன்மதனை ஒத்த
ஆடவரும், அன்னத் திரளோடு அரியின் திரள் வந்து என்ன - அன்னப்
பறவைக் கூட்டத்தோடு சிங்கக் கூட்டமும் வந்ததுபோல எங்கணும் கடிது
எய்தினர் - எல்லா இடங்களிலும் விரைந்து வந்து சேர்ந்தார்கள்.

     அன : அன்ன என்ற உவம உருபின் தொகுத்தல்; வந்தது என்ன
என்பது வந்தெனக் குறைந்தது உவமையணி. நிரனிறையணியுடன் கலந்தது,
கலவையணி. கன்னல் - கரும்பு.
                                                    (56)

 

	வசிட்டன் வருதல்
161.	சிறையோ திமமேல் வருதே வனெனப் பொறையோ டொளிர்வெண் சிவிகைப் பொலிவுற் றிறையோ னொடமைச் சரிறைஞ் சிடமா மறையோ திவசிட் டனும்வந் தனனே.

     (இ - ள்.) சிறை ஓதிமம் மேல் வரு தேவன் என - இறகுகளை
யுடைய அன்னவாகத்தின்மேல் வருகின்ற பிரமதேவனைப்போல்,
பொறையோடு ஒளிர் வெண் சிவிகைப் பொலிவுற்று - சுமப்பவர்களுடன்
விளங்குகின்ற வெண்மையான பல்லக்கில் விளக்கமாக இறையோனொடு
அமைச்சர் இறைஞ்சிட - அரசனாகிய அரிச்சந்திரனும் அமைச்சர்களும்
வணங்க, வசிட்டனும் மா மறை ஓதி வந்தனன் - வசிட்ட முனிவனும் சிறந்த
வேதங்களை ஓதிக்கொண்டு வந்தான்.

வசிட்டன் சிவிகையில் ஏறி வந்தான். அவன் சிவிகை தாங்குவோரும்
பெருமையோடு விளங்கினர். பொறை : தொழிலாகுபெயராய்த்
தாங்குபவரைக் குறித்தது. இறையோன் ஒடு. இதில் ஒடு எண்ணுப்பொருளில்
வந்தது. ஏகாரம் : ஈற்றசை. உம்மை : உயர்வு சிறப்பு. மறை - பொறை.
யோடு : இதில் ஓடு கருவிப்பொருளில் வந்தது. சிவபெருமானது
பெருமையை இலைமறை காய் போலப் பொதிந்து வைத்தலின்
வேதங்களுக்குக் காரணப்பெயராயிற்று. பிரம தேவன் நான்முக
வாயினாலும் நால்வேதங்களை ஓதி வருதல் போல் வசிட்டனும் தனது
ஒரு வாயான் ஓதிவந்தான் என்பதாம்.
                                                    (57)

 

	பரி கரியுடன் படை செல்லல்
162.	தரைசேர் கடலொத் தனதா னைசுடற் றிரைபோ லநடந் தனதிண் பரிமா விரைசே ரருவித் திரள்வீழ் பலமால் வரைபோ லகடந் தனவா ரணமே.

     (இ - ள்.) தானை தரை சேர் கடல் ஒத்தன - சேனைகள் பூமியில்
வரும் கடலைப்போன்று இருந்தன. திண் பரி மா கடல் திரை போல
நடந்தன - வலிமையான குதிரைகள் கடலில் வரும் அலைபோல நிரை
நிரையாய்