தோளில் அணிந்துள்ள நறுமணம் வீசும் கற்பக மாலை துளிபடச்
சிதறிய தேனாகிய நீர் பாய்ந்து வற்றாத இன்பக் (உவகைக் கண்ணீர்)
கண்ணீர் போலத் துளித்து ஆயிரங் கண்களினும் வருத்துதலைக் கண்டு
உலர்த்துநரைப் போல விளங்குகின்ற சிவிறி கொண்டு நுண்ணிய
இடையினையுடைய தேவமகளிர் நீக்கமற எவ்விடத்தும் வீசி நெருங்கவும்.

     அரம்பை, உருப்பசி மேனகை முதலிய செவ்வரியும், களிப்பும்
பொருந்திய கண்களையுடைய மாதர் நிரம்பிய காம இன்பம் பெருகுதற்குக்
காரணமான பரத சாத்திர முறை பிறழாது கரங்கள் அசையவும், பரவிய
கண்டப்பாடல் எழவும் இருவிழிகள் பிறழ்தலுடன் மேன்மை பெறும்.

     வியப்புடைய ஒளி விளங்குகின்ற திவளுதலாற் பூங்கொடி என மகிழ்
நிருத்தம் ஏற்பப் புரியவும்,

     மருத்துவர், வானவர் முதலானோர் சிரமேல் இரு கைகளையும் குவித்து
நெருக்கத்துள் வணங்கி வரிசையில் நிற்பர்.

     கூட்டமுடைய அசுரர் யாவரும் கடை வாயிலில் காலம் பெறாது வாடி
நிற்ப ஏனையோர் தங்குறை தீர்த்துத் துன்பு நீங்கிய இன்ப வெள்ளத்துள்
மூழ்கி அளக்கலாகாத செல்வத்தினாலே பகைவர்க்குச் சிங்கம் ஆவான்
இங்ஙனம் இருக்கையில் இவையெல்லாம் எண்ணினான்.