வாஞ்சையுறும்
    சீவன் குடியுறவிச்சீர் நகரொன்றே யெனுஞ்சீர்த்
        தேவன் குடி மகிழ்ந்த தெள்ளமுதே.

அஞ்சல் முகவரி :-

     அ/மி. கற்கடகேஸ்வரர் திருக்கோயில்
     திருத்தேவன்குடி - திருவிசலூர் அஞ்சல்
     வேப்பத்தூர் S.O. 612 105.
     கும்பகோணம் வட்டம் - தஞ்சை மாவட்டம்.

     சோழநாட்டு (வடகரை)த் தலம்.

    (1) திருவிடைமருதூர் - வேப்பத்தூர் சாலையில் சென்றால் கோயிலை
யடையலாம். (2) கும்பகோணத்திலிருந்து செல்லலாம். நகரப் பேருந்து
உள்ளது.

     மக்கள் திருவிசலூர், திருவிசநல்லூர் என்று சொல்கின்றனர். திருவிசலூர்
என்ற பெயரில் தஞ்சை மாவட்டத்தில் பல ஊர்களிருப்பதால் இப்பதி
“பண்டாரவாடை திருவிசலூர்” திருவிசநல்லூர் என்று வழங்கப்படுகிறது.

     இறைவன் - யோகானந்தீஸ்வரர், புராதனேஸ்வரர்,
               வில்வாரண்யேசுவரர்.
     இறைவி - சாந்தநாயகி, சௌந்தரநாயகி.
     தீர்த்தம் - சடாயு தீர்த்தம்.

     சம்பந்தர் பாடல் பெற்றது.

     பெரிய கோயில். சடாயு வழிபட்டது. நகரத்தார் திருப்பணி பெற்றது.
சைவசித்தாந்தச் சாத்திர நூல்களுள் ஒன்றாகிய ‘திருவுந்தியார்’ பாடிய
‘திருவியலூர் உய்யவந்த தேவ நாயனார்’ அவதரித்த தலம். தஞ்சை
அரண்மனையின் பரிபாலனத்திற்குட்பட்ட கோயில்.