“நீலமா மணி நிறத்து அரக்கனை இருபது கரத்தொடு ஒல்க
       வாலினால் கட்டிய வாலியார் வழிபட மன்னு கோயில்
       ஏலமோடு இலை இலவங்கமே இஞ்சியே மஞ்சள் உந்தி
       ஆலியா வருபுனல் வடகரை அடைகுரங் காடு துறையே.”
                                            (சம்பந்தர்)

                                         -உய்யும் வகைக்
      காத்தும் படைத்தும் கலைத்துநிற்போர் நாடொறும்
      ஏத்தும் குரங்காட்டின் என்னட்பே.           (அருட்பா)

அஞ்சல் முகவரி :-

      அ/மி. தயாநிதீஸ்வர் திருக்கோயில்
   ஆடுதுறை பெருமாள் கோயில்
   உள்ளிக்கடை அஞ்சல் - 614 202.
   (வழி) கணபதி அக்ரஹாரம்.
   பாபநாசம் வட்டம் - தஞ்சை மாவட்டம்.

     சோழநாட்டு (வடகரை)த் தலம்.

     கும்பகோணம் - திருவையாறு சாலையில், திருவையாற்றுக்கு
அண்மையில் உள்ள தலம். சாலையோரத்தில் கோயில் உள்ளது.
சப்தஸ்தானத் தலங்களுள் ஒன்று. கதலிவனம் என்ற பெயரும்
இத்தலத்திற்குண்டு. சந்திரன் வழிபட்ட தலம்.

     இறைவன் - ஆபத்சகாயர்.
     இறைவி - பெரியநாயகி.
     தலமரம் - வாழை.
     தீர்த்தம் - மங்கள தீர்த்தம் (பயனின்றி அழிந்துவிட்டது.)

     சம்பந்தர், அப்பர் பாடல் பெற்றது.

     பழமையான ராஜகோபுரம் - மூன்று நிலைகளையுடையது. செடிகள்
முளைத்துள்ளன. சிதலமடைந்துள்ளது. உள்கோபுரத்திற்கும் இதே கதி.
கொடிமரமில்லை. பலிபீடம் நந்தி உள்ளன. வெளிச்சுற்றில் விநாயகர்,
சுப்பிரமணியர் சந்நிதிகள்.