முதுகுன் றமர்ந்த முனிவா போற்றி
நெல்வெணெய் மேவிய நிருத்தா போற்றி
கோவல்வீ ரட்டக் கோமான் போற்றி
அறையணி நல்லூர் அரசே போற்றி
இடையா றிடையமர் ஈசா போற்றி
வெண்ணெய்நல் லூருறை மேலோய் போற்றி
துறையூர் அமர்ந்த தூயோய் போற்றி
வடுகூர் அடிகள் மாணடி போற்றி
திருமாணி குழிவளர் தேவே போற்றி
பாதிரிப் புலியூர்ப் பரம போற்றி
முண்டீச் சரத்து முதல்வா போற்றி
புறவார் பனங்காட் டூரா போற்றி
திருஆ மாத்தூர்த் தேவே போற்றி
அண்ணா மலைஎம் அண்ணா போற்றி
தென்தில்லை மன்றினுள் ஆடீ போற்றி
வேட்கள நன்நகர் மேயாய் போற்றி
நெல்வா யில்வளர் நிதியே போற்றி
கழிப்பா லைஉறை கரும்பே போற்றி
நல்லூர்ப் பெருமண நம்பா போற்றி
மயேந்திரப் பள்ளி மன்னா போற்றி
தென்திரு முல்லை வாயிலாய் போற்றி
கலிக்கா மூர்வளர் கண்ணே போற்றி
சாய்க்கா டினிதுறை சதுரா போற்றி
பல்லவ னீச்சரப் பரனே போற்றி
வெண்கா டுகந்த விகிர்தா போற்றி
கீழ்த்திருக் காட்டுப் பள்ளியாய் போற்றி
குருகா வூருறை குணமே போற்றி
காழியுள் மேய கடலே போற்றி
கோலக் காவிற் கோவே போற்றி
வேளூர் மேவிய வித்தகா போற்றி