ஊர்கடந்து நல்லூரைச் சுற்றி உள்ள

ஓங்கெழில் சூழ் அரண்கடந்து செழுமை மிக்க

நீர்நிலைகள் தாம் கடந்து வயல்கடந்து

நெருங்கிய சீர்கான் கடந்து கானைச் சூழும்

நேர்மலைகள் கடந்துநிழல் மரம் கடந்து

நெருங்குமணல் இடம்கடந்து மக்கா என்னும்

பேர்நிலைத்த ஊருக்குள் நெருங்கிப் போனார்

பெருநலத்து நபியார்தம் முகத்தைக் காண; 54

செபுறயீல் முகம்மது முன்னர்த் தோன்றினார்

நல்லூரின் புறத்தே ஓர் குடிலை நாட்டி

நாற்படை சூழ் கபீபரசர் தங்க லானார்;

அல்லாவின் ஏவலினால் அழகு மிக்க

அருவானோர் செபுறயீல்தம் இறக்கை வீசிப்

பல்லாரும் போற்றுகிற நபியார் முன்னே

படர்ஒளி செய் வெண்திங்கள் போல வந்து

“வல்லாரே! சலாமுரைத்தேன் எல்லாம்வல்ல

வானவனின் ஏவலினால் வந்தேன்” என்றார். 55