முகம்மது மலை உச்சி அடைந்தார்

அடுத்த கார் உவாநன்னாளில் அன்பர்கள் எவரும் சூழ
உடுத்தசீர் நபியார் தங்கள் உயர்ககுபாவில் சென்றே
எடுத்தகை நீட்டி வேண்டி எழிற்புவி தலையால் தொட்டுத்
தொடுத்த நல் தொழுகை செய்து தொடர்மலை உச்சி போனார்; 72

மக்களும் குழுமினர்

அண்ணலார் மலைக்குப் போன அருஞ்செய்தி கேட்ட மக்கள்
தண்ணிய நிலவைக் காணும் தக்கபே ரார்வம் கொண்டார்
“விண்ணவர் அருளைப் பெற்று வினைநலம் புரியப் போவார்
வண்ணத்தைக் காண்போம்” என்று வந்தவர் குவிந்தார் ஆங்கே. 73

பகைவர்களும் வந்தனர்

மன்னவர் வந்தார்; அந்த மன்னரின் அவையைச் சூழும்
பின்னவர் வந்தார்; மக்காப் பிள்ளைகள் வந்தார் அன்புக்
கன்னியர் வந்தார்; வல்ல காளையர் வந்தார்; கொள்கை
மன்னிய நல்லோர் வந்தார்; மாற்றாரும் வந்தார் ஆங்கே. 74

திங்கள் வந்தால் நாம் தோற்று விடுவோமே

சூரியன் மறைந்தான்