நெஞ்சுள் ஒளியுடையவர்

மறவராய் மக்கா மண்ணின்

மனிதராய் உயிர்கட் கெல்லாம்

உறவுடை யவராய் நெஞ்சுள்

ஒளிஉடை யவராய் வாழ

நிறைவானின் தூத ராக

நெடியோரை அனுப்பி வைத்த

இறையவன் இணையில் லாத

இனியவன் வாழ்க! வாழ்க! 7

இசுலாம் நெறியை வளர்த்தவர்

கனிவுடன் மக்கள் எல்லாம்

கலிமாவை ஓதச் செய்தும்

இனிதென இசுலாம் தன்னை

இதயங்கள் ஏற்றுக் கொள்ளப்

பனிதவழ் மொழியி னாரைப்

பாரகம் அனுப்பி வைத்த

தனிஒளிச் சுடராய் ஓங்கும்

தகையவன் வாழ்க! வாழ்க! 8

நல்வாழ்வு மலர வைத்தவர்

உயர்வான பண்பு கொண்ட

உளத்தாரை அனுப்பி வைத்து

நயமான உரையால் அன்பால்

நல்வாழ்வு மலர வைத்த

வியன்வான்மண் புகழ்நல் லானை

வேண்டுதல் வேண்டா மையாம்

இயல்பிலான் இறைவன் அந்த

ஈடிலான் வாழ்க! வாழ்க! 9