பற்றோடும் அனுப்புகின்ற பணத்தை யெல்லாம்
பட்டணத்துப் பகட்டுகளில் பாழாக் காமல்
சிற்றாசை களிற்களித்துச் சீர்கெடாமல்
சிந்தனையைக் கல்விக்கே செலுத்த வேண்டும். 6138. மோட்டார் ஓட்டிகளுக்கு மோட்டார் ஓட்டுகிற அண்ணா! - கொஞ்சம்
மெள்ள ஓட்டினால் என்ன?
கேட்டால் வருத்தமேன் இதிலே? - வந்தால்
கெடுதி உனக்குத்தான் முதலே. 1 அகத்தியம் நேர்ந்துவிட்டாலும் - வேகம்
அடக்கி ஓட்டலே சீலம்.
மிகத்திறம் வாய்ந்துள பேரும் - வேக
மிடுக்கில் அசந்துவிட நேரும். 2 ‘டயர்கள்‘ சரியில்லை யென்றால் - வழியில்
துயரம் பெரிதாகும் சென்றால்,
டயர்கள் மிகப்புதிய வேனும் - ஸ்டெப்னி
தனியே கையோடு வேணும். 3 போதை ஊட்டுகிற எதையும் உண்டால்
போகும் வழியறிவு சிதையும்;
காதைக் கண்ணைமிக அடைக்கும் - காரைக்
கவிழ்த்து மண்டைகளை உடைக்கும். 4 காரை ஓட்டுகிறபோது - கவனம்
வேறு எதிலும்செலல் தீது.
ஊரை நெருங்கிவிட்ட உடனே - தெருவின்
ஓரம் பார்த்துச்செலல் கடனே. 5 காரில் பலவிதங்கள் அவற்றுள் - இரவில்
‘லாரி‘ ஓட்டுபவர் தவற்றை
நேரிற் கண்டபடிதம்பி! நான்
கூறு கின்றேன்மனம் வெம்பி. 6 |