மாநிலத்துஅறிஞர் எல்லாம்
              வியந்துடன் மகிழ்ந்து வாழ்ந்த
புரணியும் பொய்கள் கூட்டம்
              புகலிடம் தேடி ஓடப்
       புண்ணிய எண்ணம் நம்மைப்
              பிரிந்தவை புகுந்து கொள்ளக்
கருணையின் பெருமை தன்னைக்
              கைக்கனி என்னக் காட்டு்ம்
       காந்தியின் பெருமை தன்னால்
              கடவுளின் பெருமை கண்டோம்!       5

252. தவமுனிகாந்தியவர்

இந்திய நாடு சுதந்தரம்எய்தநல்
தந்திரம் தந்தவர்யார்? - சிறு
கந்தை ‘பக்கீர்‘என்று தந்துஒரு வன்சொன்ன
காந்தி என்னும் பெரியார்.1

அஞ்சிக்கிடந்தநம் நெஞ்சத்து துணிந்திட
       ஆண்மை எழுப்பினது ஆர்? - ஒரு
வஞ்சம் இலாதவர் வாய்மையின் தூய்மையின்
       வாழ்க்கையர் காந்தியவர்.       2

ஆயுதம்இன்றியும் யாரும் வணங்கிடும்
       அன்பைப் பெருக்கினது ஆர்? - சற்றும்
சாயுதல் செய்திடாச் சத்திய மூர்த்திநம்
       தவமுனி காந்தியவர்.       3

நாட்டினுக்காஉயிர் கேட்பினும் தந்திட
       நான்என்று முன்வருவோர் - பலர்
போட்டியிட் டேவர வீரம் புகுத்தினர்
       புண்ணியர் காந்தியவர்.       4