|
இல்லை! அதனால் தமிழின் பெருமையாய் நிற்கும் அருமை மண்டபத்தைக்
காக்கும் முயற்சியில்
எங்களை இழப்போம்! இடியுங்கள்! நீங்கள்
இடிக்கப்போவது இந்த மண்டபத்தை யல்ல! பாண்டியர்
குடி சேர்த்த
புகழ்க்குன்றை! பெண்களைக் கொன்ற பெரும்பழியைப் பாண்டியர்க்குத்
தேடித்தரப்
போகிறீர்கள். செயலைத் தொடங்குங்கள்!
கூட்டத்தில் ஒருவர் :
யார் இந்த இளம் பெண்! தாருகன் பேரூரம் கிழித்த
துர்க்கை போலப்
பேசுகிறாள்?
அம்பலம் :
அவங்க தனபதி வணிகர் பெண் அன்னம்! புள்ளிமானாய்
இருந்த அன்னம்மா
புலியாய் மாறினது எனக்குப் புதிசா இருக்குங்க!
கூட்டத்தில் ஒருவர் :
அன்னம் வாழ்க!
கூட்டத்தினர் :
வாழ்க! வாழ்க!
கூட்டத்தில் ஒருவர் :
அன்னத்துக்கு துணை நிற்கும் பெண்டிர் வாழ்க!
கூட்டத்தினர் :
வாழ்க! வாழ்க!
படைத்தலைவன் :
வீரா, இனித் தாமதிக்கப் போவதில்லை! நான்
எண்ணுகிறேன்! பத்து எண்ணி
முடிப்பதற்குள் இந்தப் பெண்கள்
இறங்குவதானால் இறங்கட்டும்? இல்லையேல் மண்டபத்தை இடித்துத்
தள்ளுங்கள்!
படைவீரன் - 2 :
சரிங்க!
அன்னம் :
தோழியரே! மண்டபத்தில் கடப்பாரை பட்டவுடன்
ஒவ்வொருவராகக் கீழே குதியுங்கள்!
காவேரி :
முதல் வாய்ப்பு எனக்குத்தான்!
அன்னம் :
ஆமாம் காவேரி! முன்னே வந்து நில். |