தமிழகத்தை இசுலாமியர் மற்றும்
வெள்ளையர் பிடியிலிருந்து
மீட்க, பூலித்தேவன், வீரபாண்டிய கட்டபொம்மன் போன்ற
பாளையக்காரர்கள் பதினெட்டாம் நூற்றாண்டில் பொங்கி
எழுந்தனர், ஆனால் பல பாளையக்காரர்கள் ஆங்கிலேயருக்கு
அடிவருடிகளாகவே, தன்மானம் இன்றிச் செயல்பட்டதால்
மானம் உள்ளவர்களின் எதிர்ப்புகள் வெற்றிபெற முடியவில்லை.
திருநெல்வேலி மாவட்டம் நெற்கட்டுச் செவ்வலிலிருந்து
ஆண்ட பூலித்தேவன் வெள்ளையர்களைத் தென்தமிழகத்து
மண்ணிலிருந்து வெளியேற்ற,
பாளையக்காரர்களை
ஒன்றிணைத்தான். கட்டபொம்மு எனும் பாளையக்காரன் ஒருவன்
தவிரப் பிறர் இவன் கீழ் ஒன்றுபட்டனர். மாபூசுக்கான் என்பான்
கீழ் இருந்த திருவில்லிபுத்தூரை பூலித்தேவன் கைப்பற்றினான்.
இவனிடம் 20 ஆயிரம் குதிரைப்படையும் 25 ஆயிரம்
காலாட்படையும் சேர்ந்தன. ஆனால் கட்டபொம்முவும் பிறரும்
மாபூசுக்கான் பக்கம் சேர்ந்து 1756-இல் பூலித்தேவனைத்
தோற்கடித்தனர். இதனால் பாளையக்காரர்கள் வலிமை குன்றினர்.
சென்னையிலிருந்து ஆங்கிலேயர் திருநெல்வேலியை அழகப்ப
முதலியார் என்பவருக்குக் குத்தகைக்கு விட்டு , பல இலட்சம்
ரூபாய் பெற்றுக் கொண்டனர். மாபூசுக்கான் திருநெல்வேலி
கைநழுவியது கண்டு, பூலித்தேவன் பக்கம் சேர்ந்து வெள்ளையரை
எதிர்த்தான். திருநெல்வேலி பூலித்தேவன் வசமானது. கி.பி. 1760-
இல் கான்சாகிபு என்பான் நெற்கட்டுச் செவ்வல் கோட்டையை
முற்றுகையிட்டான். வெற்றி பூலித்தேவனுக்கே கிட்டியது.
மாவீரன் பூலித்தேவன் முடிவு பற்றிச் சரியாக அறியமுடியவில்லை.
எப்படி இருப்பினும் மாற்றாரை
எதிர்த்து, தமிழக
விடுதலை வேள்விக்கு வித்திட்டவன் பூலித்தேவன் ஆவான்.
 |
|||||
|
|||||
 |
|||||
|
 |
|||||
|
|||||
| 1) | கி.பி.
1639-இல் ஆங்கில வணிகக் கழகத்தார் |
(விடை) |
| 2) | பிரஞ்சுக்
கிழக்கிந்திய வணிகக்குழு தமிழ்நாட்டில் எங்கே வணிகமையம் அமைத்தது? |
(விடை) |
| 3) | ஆர்க்காட்டு
நவாப், ஆங்கிலேயர் இணைந்த இரட்டை ஆட்சி எந்த ஆண்டு ஏற்பட்டது? |
(விடை) |
| 4) | ஆங்கிலேயர
எதிர்த்த தஞ்சை மராட்டிய அரசரின் பெயர் என்ன? அவருக்குப் பதிலாக யாரை ஆங்கிலேயர் தஞ்சை அரசராக நியமித்தனர்? |
(விடை) |
5) |
தொடக்க காலத்தில் வெள்ளயரை எதிர்த்து
வீரப்போர் நிகழ்த்தியவர்கள் யாவர்? |