Primary tabs
அருள்மிகு கைலாசநாதர் திருக்கோயில்
கோவில் விவரங்கள் சிறப்புகள் செல்லும் வழி மற்றும் வரைபடம் காட்சிக்கூடம்
Other Names :
திருவாலீஸ்வரம்
Place :
திருவாலீஸ்வரம்
Taluk :
அம்பாசமுத்திரம்
District :
திருநெல்வேலி
Religious Type :
சைவம்-சிவபெருமான்
Lord Name :
கைலாயமுடையார்
Procession On God :
Mother / Goddess Name :
Temple Tree :
Tirukkulam / River :
Agamam :
Worship Time :
Festivals :
History :
Protecting Company :
இந்திய தொல்பொருள் ஆய்வுத்துறையின் கீழ் மரபுச் சின்னமாக விளங்குகிறது.
Nearest Temples Arc :
வடக்கு அரியநாயகிபுரம், அரியநாயகி அம்மன் கோயில், சிவன் கோயில், நெல்லையப்பர் கோயில், திருக்குறுங்குடி அழகிய நம்பி பெருமாள் கோயில்
Summary :
திருவாலீஸ்வரம் கோயில் திருநெல்வேலி மாவட்டத்தில் திருவாலீஸ்வரத்தில் அமைந்துள்ளது. இக்கோயில் முதலாம் இராஜராஜ சோழனால் கட்டப்பட்ட கற்றளியாகும். இக்கோயில் சிவபெருமானுக்காக எடுப்பிக்கப்பட்டதாகும். முழுவதும் கற்றளியாக அமைந்த இக்கோயில் இந்தியத் தொல்லியல் துறையின் பராமரிப்பின் கீழ் தற்போது இருந்து வருகிறது. கோயில் தற்காலத்தில் இந்தியத் தொல்லியல் துறையினரால் புனரமைக்கப்பட்டுள்ளது. கருவறை விமானத் தளங்களில் இறைவனின் பல்வேறு வடிவங்கள் சிற்பங்களாக வடிக்கப்பட்டுள்ளன. இக்கோயிலின் தள வரிசை சிற்பங்களை நோக்குங்கால் முதலாம் பராந்த சோழனது புள்ளமங்கை கோயில் நினைவுக்கு வருகிறது. இக்கோயிலில் அதிக அளவிலான தமிழ் கல்வெட்டுகள் மண்டபத்தின் வெளிப்புறச் சுவர் முழுவதும் அமைந்துள்ளன. பாண்டிய நாட்டுக்கே உரிய வட்டெழுத்துக் கல்வெட்டுகளும் இங்கு காணப்படுகின்றன. கங்காதரர், காலாந்தகமூர்த்தி, கஜசம்ஹார மூர்த்தி, ஆடல்வல்லான், திரிபுராந்தகர், முருகன், பிட்சாடனர், உமையொருபாகர், தென்முகக்கடவுள், இடபாரூடர் போன்ற அரிய சிற்பங்கள் இங்கு அமைக்கப்பட்டுள்ளன. பாய்ந்த நிலையில் வரிசையாக காட்டப்பட்டுள்ள யாளி சிற்பங்களும், பூதகணங்களும் எழில் வாய்ந்தவை. உபானம், ஜகதி, முப்பட்டைக்குமுதம் என்ற தாங்குதள உறுப்புகளைப் பெற்றும், இத்தாங்குதள உறுப்புகளில் கல்வெட்டுகளைப் பெற்றும் விளங்குகிறது கருவறை விமானம். முகமண்டபத்தில் சோழர் உருளைத் தூண்கள் வெட்டுப்போதிகை பெற்று விளங்குகிறது. இக்கோயில் செம்புரான் கல்லினால் கட்டப்பட்டுள்ளது. திராவிடப்பாணியில் அமைந்துள்ளது. கருவறை விமான தேவக்கோட்டங்கள் வெற்றிடமாக உள்ளன. அவ்விடங்களில் கல்வெட்டுகள் காணப்படுகின்றன. தேவக்கோட்டங்களில் சிற்பங்கள் இல்லாதிருப்பது பாண்டியநாட்டு கலைப்பாணியாகும்.
Period / Ruler :
கி.பி.10-ஆம் நூற்றாண்டு / முதலாம் இராஜராஜ சோழன்
Inscription / Copper :
முதலாம் இராஜராஜன் காலத்து தமிழ் கல்வெட்டுகள், வட்டெழுத்துக் கல்வெட்டுகள் உள்ளன.
Murals :
இல்லை
Sculptures :
கருவறை தேவக்கோட்டங்களில் சிற்பங்கள் இடம்பெறவில்லை. பரிவார சந்நிதிகள் இல்லை.கோபுரங்கள் இல்லை.சூரியன், அதிகாரநந்தி ஆகிய தனிச்சிற்பங்கள் உள்ளன. கங்காதரர், காலாந்தகமூர்த்தி, கஜசம்ஹார மூர்த்தி, ஆடல்வல்லான், திரிபுராந்தகர், முருகன், பிட்சாடனர், உமையொருபாகர், தென்முகக்கடவுள், இடபாரூடர் போன்ற அரிய சிற்பங்கள் இங்கு அமைக்கப்பட்டுள்ளன. பாய்ந்த நிலையில் வரிசையாக காட்டப்பட்டுள்ள யாளி சிற்பங்களும், பூதகணங்களும் எழில் வாய்ந்தவை.சோழர்கால உருளைத்தூண்கள் வெட்டுப் போதிகை பெற்று விளங்குகின்றன. கருவறை விமான வெளிச்சுவரில் அரைத்தூண்கள் இடம்பெற்றுள்ளன.
Temple Structure :
கிழக்கு நோக்கிய வாயிலைக் கொண்டது. இருதளங்களைக் கொண்டுள்ளது. கற்றளியாக விளங்குகின்றது. இடைநாழிகை, அர்த்தமண்டபம், முகமண்டபம் பெற்று விளங்குகின்றது. அர்த்தமண்டபம் சோழர்கால உருளைத்தூண்களைப் பெற்றுள்ளது. கருவறை தேவகோட்டங்களில் சிற்பங்கள் இடம்பெறவில்லை. திராவிடபாணியில் அமைந்த இக்கோயில் திருச்சுற்று மாளிகை பெற்றுள்ளது.
Location :
திருவாலீஸ்வரம், காக்கநல்லூர், திருநெல்வேலி-642961
Phone :
Website :
Email :
Temple Opening Time :
காலை 8.00 முதல் மாலை 5.00 வரை
Way :
திருநெல்வேலியிலிருந்து திருவாலீஸ்வரம் பேருந்தில் செல்லலாம்.
Nearby Bus Station :
திருவாலீஸ்வரம்
Nearby Railway Station :
திருநெல்வேலி
Nearby Airport :
மதுரை
Accommodation :
திருநெல்வேலி விடுதிகள்
Tags :
சாலை வரைபடம்
Temple Gallery
-
திருவாலீஸ்வரர் கோயிலின் முழுத்தோற்றம், திருவாலீஸ்வரம், கி.பி.10-ஆம் நூற்றாண்டு
-
கருவறை விமானத்தின் மேற்குப் புறத் தோற்றம், திருவாலீஸ்வரம், கி.பி.10-ஆம் நூற்றாண்டு
-
பாண்டியநாட்டுக் கலைப்பாணியான வெற்றிட தேவகோட்டங்களுடன் அமைந்துள்ள சுவர்ப்பகுதி, திருவாலீஸ்வரம், கி.பி.10-ஆம் நூற்றாண்டு
-
கருவறை விமானத்தின் தளங்கள் கர்ணக்கூடு, பஞ்சரம், சாலா, பஞ்சரம், கர்ணக்கூடு என ஐந்து தள உறுப்புகளை பெற்று விளங்குகிறது. திருவாலீஸ்வரம், கி.பி.10-ஆம் நூற்றாண்டு
-
கருவறை முகப்புத் தோற்றம், திருவாலீஸ்வரம், கி.பி.10-ஆம் நூற்றாண்டு
-
மண்டப சுவர்களில் முழுவதும் கல்வெட்டுகள், திருவாலீஸ்வரம், கி.பி.10-ஆம் நூற்றாண்டு
-
இரு அரைத்தூண்களுக்கிடையே அமைந்த சுவர்ப்பகுதியில் சோழர் கால தமிழ் எழுத்துகளில் கல்வெட்டு, திருவாலீஸ்வரம், கி.பி.10-ஆம் நூற்றாண்டு
-
திருச்சுற்று மாளிகை, திருவாலீஸ்வரம், கி.பி.10-ஆம் நூற்றாண்டு
-
கருவறை விமானத்தின் தாங்குதள அமைப்பு (பிரதிபந்த அதிட்டானம்), திருவாலீஸ்வரம், கி.பி.10-ஆம் நூற்றாண்டு
-
கூரைப்பகுதியில் (கபோதம்) பூதகண வரிசை, திருவாலீஸ்வரம், கி.பி.10-ஆம் நூற்றாண்டு
-
கருவறை இடைநாழிகை, திருவாலீஸ்வரம், கி.பி.10-ஆம் நூற்றாண்டு
-
கோயில் மேற்புறம், திருவாலீஸ்வரம், கி.பி.10-ஆம் நூற்றாண்டு
-
சிறுமண்டபத்தில் நந்தி அமர்ந்த கோலம், திருவாலீஸ்வரம், கி.பி.10-ஆம் நூற்றாண்டு
-
யானை மேல் அமர்ந்த முருகன், தளத்தில் அமைந்துள்ள சிற்பம், திருவாலீஸ்வரம், கி.பி.10-ஆம் நூற்றாண்டு
-
முக்கண்ணனுக்கு கண் கொடுத்த கண்ணப்ப நாயனார், தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
காலனை வதைக்கும் காலாந்தமூர்த்தி, தளச் சிற்பம், திருவாலீஸ்வரம், கி.பி.10-ஆம் நூற்றாண்டு
-
முப்புரம் எரிக்க முனைந்த முக்கண்ணர்,(திரிபுராந்தகர்), திருவாலீஸ்வரம், கி.பி.10-ஆம் நூற்றாண்டு
-
அன்னையின் ஊடல் தீர்க்கும் கங்கை கொண்டான் (கங்காதரமூர்த்தி), தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
நந்தியுடன் நின்ற கோலத்தில் உமாமகேசுவரர், தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
கணங்களின் சேஷ்டைகள், தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
ஆடல்வல்லான் (நடராஜர்), சாலைக்கோட்டச் சிற்பம், திருவாலீஸ்வரம், கி.பி.10-ஆம் நூற்றாண்டு
-
சிவனார் நந்திக்கு உபதேசம் செய்தருளல், தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
நந்தி வாகனத்தில் சாய்ந்த நிலையில் உமையொரு பாகர், (அர்த்தநாரீசுவரர்), தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
வில்லேந்தி நிற்கும் வீரனாய் சிவனார் (திரிபுராந்தகர்), தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
மார்க்கண்டேயனுக்காக காலனை தண்டிக்கும் காலாரி (காலாந்தகமூர்த்தி), தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
நான்முகனும், திருமாலும் வணங்கி நிற்க, அடிமுடி அறிய முடியாத அண்ணாமலையார், தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
தென்முகக் கடவுள், (தட்சிணாமூர்த்தி), தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
தாருகாவனத்து முனிபத்தினியிடம் பிச்சையேற்கும் பெருமான், (பிட்சாடனர்), தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
யாளிகள், திருவாலீஸ்வரம், கி.பி.10-ஆம் நூற்றாண்டு
-
சிவபெருமானிடம் முருகனை அழைத்துக் காட்டும் உமையாள், தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
ஆனையுரித்த பிரான், (கஜசம்ஹாரமூர்த்தி), தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
சண்டேசருக்கு அருள்பாலித்த சிவனார், (சண்டேச அனுக்கிரகமூர்த்தி), தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
சிவனார் அமர்ந்த கோலம், தளச்சிற்பம், திருவாலீஸ்வரம், கி.பி.10-ஆம் நூற்றாண்டு
-
சூரியபகவான், தனிச்சிற்பம், திருவாலீஸ்வரம், கி.பி.12-ஆம் நூற்றாண்டு
-
அதிகாரநந்தி, தனிச்சிற்பம், திருவாலீஸ்வரம், கி.பி.12-ஆம் நூற்றாண்டு
-
கூரைப்பகுதியில் கொடுங்கைக்கு கீழே அமைந்துள்ள பூதகணங்கள், திருவாலீஸ்வரம், கி.பி.12-ஆம் நூற்றாண்டு