136. குறிஞ்சி

	'காமம் காமம்' என்ப; காமம்
	அணங்கும் பிணியும் அன்றே; நுணங்கிக்
	கடுத்தலும் தணிதலும் இன்றே; யானை
	குளகு மென்று ஆள் மதம் போலப்
	பாணியும் உடைத்து, அது காணுநர்ப் பெறினே.	உரை

204. குறிஞ்சி

	'காமம் காமம்' என்ப; காமம்
	அணங்கும் பிணியும் அன்றே; நினைப்பின்,
	முதைச் சுவற் கலித்த முற்றா இளம் புல்
	மூதா தைவந்தாங்கு,
	விருந்தே காமம்-பெரும்தோளோயே!	உரை

234. முல்லை

	சுடர் செல் வானம் சேப்ப, படர் கூர்ந்து,
	எல்லுறு பொழுதின் முல்லை மலரும்
	மாலை என்மனார், மயங்கியோரே:
	குடுமிக் கோழி நெடு நகர் இயம்பும்
	பெரும் புலர் விடியலும் மாலை;
	பகலும் மாலை-துணை இலோர்க்கே.	உரை