போலித் துறவு அன்மையின், ‘மெய்க் குணதரன்‘ என்றார். அரசன் ஒருவன் துறந்தான் என்னின் அத்துறவைக் கண்ட ஏனைய அரசரும் துறவுமேற் கொள்ளுதல் இயல்பாதலின், அசோகன் துறவைக்கண்டு அரசர்நூற்றுவர் துறந்தனர் என்க.  ஐம்பதின் இரட்டி நூறு இதனை,  

வாதிராஜர் கூறியதாலு முணரலாம்.  தவத்துருவு-திகம்பர வடிவு; (யதா ஜாதருபம்) அரசர்க்குரிய  ஆடை அணிகலன் முதலியவற்றை நீக்கி, திக்கை ஆடையாக உடையனாதல்.  இதனை யத்யாசாரம் என்னும் நூலில் பரக்கக் கூறுவதனாலறிக.  வரை-மூங்கில் எனினுமாம்.அரோ, அசை.      (11)

யசோதரன் அரசியல்

(இ-ள்.) எரிமணி-ஒளியுள்ள இரத்தினங்கள், இமைக்கும்-இடைவிட்டொளிருகின்ற, பூணான்-ஆபரண மணிந்தவனும்; இருநிலத்துக்கு-பெரிய இஞ்ஞாலத்திற்கு, ஒருமணி திலதம் போலும்-ஒப்பற்றதொரு அழகிய திலதம் போன்ற - உஞ்சயினிக்கு உஜ்ஜயினிமா நகரத்திற்கு, நாதன்-தலைவனும் (ஆகிய), இசோதரன்-யசோதரனென்பான், அருமணி முடிகொள் சென்னி அரசு-சிறந்த மணிகள் பதிக்கப்பட்ட முடியணிந்த சிரசுடைய அரசர்களை, அடிப்படுத்தி-(தனக்குக்) கீழ்படியச் செய்து, உயர்ந்த-சிறந்த, குருமணிக் குடையின் நீழல்-நிறமமைந்த மணிகள் பதிக்கக்பெற்ற வெண்கொற்றக்  குடையின் நீழலின் கண்(இருந்து), குவலயம் காவல் கொண்டான்-உலகங்காத்தலாகிய தொழிலை மேற்கொண்டான். (எ-று.)