வெளிப்படையாகக்  கூறிய அரசியின்  இழிசொல்லைக் கேட்டவுடன் தோழி  இருகாதுகளையும்  பொத்திக்கொண்டு,  ‘நின் மனத்தில்  என்று  மில்லாத  இப் புனைந்துரையைக் கூறியதற்குக்  காரணம்  என்ன?  என்று வினாவினா ளென்க.

இவர்தல் - படர்தல், வியாபித்தல், குழலி, அண்மை விளி. தான், அசை.        (27)

அரசி ஆற்றாமையால் உயிர்விடுவேன் என்றல்.

(இ-ள்.) ‘வாள்  அளவு உண்கண்  மாதே - வாள் போன்ற கூரியதும்  மை தீட்டப் பெற்றதுமாகிய  கண்களையுடைய மாதே,  அவன்  அமுதவாயில் - அப் பாடலைப்பாடியவனுடைய அமிர்தம் போன்ற வாயினால், மாளவ பஞ்சமப்பண் - மாளவபஞ்சமம் என்ற பண்ணை,  மகிழ்ந்து கேளலன் ஆயின் - மகிழ்ந்து கேட்கிலேனாயின், நாமும் கேள்  அலம் ஆதும் - நாமிருவரும் நட்பினரல்ல ராவோம்; உரை மறுத்து மொழியின் - என் உரையை மறுத்துச் சொல்வாயாயின்,  நாள் அவம் ஆகி - என்  வாழ்நாள் வீண்நாளாதலின்,  ஆவி இன்னே நடந்திடும் - என்  உயிரும் இப்பொழுதே நீங்கிவிடும்;  நடு ஒன்று  இல்லை -இவ்விரண்டிற் கிடையில் வேறொன்றும்   நிகழ்தற்கில்லை';  என்றாள் - என்று (தோழிக்குக்) கூறினாள்;  (எ-று.)

அரசி, தோழியை நோக்கி,  ‘அப் பண்ணைப் பாடியவனைக் கூடி மகிழ்ந்து பாடலைக் கேளேனாயின் என் ஆவி நடந்திடும'; என்றாள் என்க.