அரசி தோழியை நோக்கி ‘திரு முதல் குலம் ஈறாகக் கூறப்பட்ட இவற்றின் பயன் மகளிருள்ளத்தை வயப்படுத்துத லன்றோ? என் நெஞ்சை அவன் தன் இசையினால் கவர்ந்துவிட்டான்.  அவனிடத்தில் இவை இல்லாதிருப்பதனால் குறை யென்ன?'; என்றான்.

மகளிர்மனம், ‘செல்வம்... குலம';  இவற்றைப் பெற்றவனிடமே சென்று சேர்தல் இயல்பு.  ஆயினும், அவற்றுள் ஒன்றும் இல்லாத அஷ்டபங்கன்பால் அமிர்த மதியின் ஆர்வம் அணுகிச் செறிந்தது என்றால்,  அது பழ- வினைப்பயனே யாகும்.  ‘ இவற்றினால'; என்றது ’பூதிகந்தத்தின் மெய்யிற் புண்களுங் கண்கள் கொள்ளா,  சாதியுந் தக்க தன்றால்‘ (யசோ 105.) என்ற குற்றங்களையும் சுட்டும். ‘அவன்கண்'; என்றது, செல்வம் முதலிய இவ் வாறையும் பெற்றிலாத அவனிடத்து என்றும் பொருள்படும்.  பயன், நெஞ்சம் இவற்றிலுள்ள உம்மை இரண்டும் இசைநிறை.               (34)

(இ-ள்.) ‘நேர்இழை-அழகான ஆபரணங்களைஅணிந்தவளே, காரியம் முடிந்த பின்னும் - தொழிற்பயன்  முடிவெய்திய பின்னரும், காரணம் முடிவு காணல் இது - காரணத்தின் முடியை ஆராயப்புகுதலாகிய இது,  காரியம் அன்று என்று - செய்யத் தகுவதன்று என்று, கருதிடு -கருதுவாயாக; கடவுள் காமன் - காமனாகிய கடவுள்,  நமக்கு ஆர்உழை அருளைச் செய்யும் - எவன்பால் நமக்கு அருள்புரிகின்றானோ,  அவன் அனையன் ஆக நினைந்து -அவனையே அக் காமக்கடவுளாக நினைந்து, நீடலை போகி - தாமதமின்றிச் சென்று,  இது முடி என்றாள் - இதனை முடித்துவை‘  என்றாள்.  (எ-று.)