பணியில்-(மாரியின் பாதங்களில்) வணங்கினால், மெய்ப்பலி - அவ்வுடற்பலியை, நெஞ்சில் ---, கொண்டு - ஏற்றுக்கொண்டு, விரும்பினள் உவக்கும் - மிக மகிழ்வாள்,என்றாள்--,(எ-று.)

மகனே, தேவிக்குப் பலியிட்டு வணங்கினால் ஏற்றுமகிழ்வாள் என்று தாய் கூறினாள் என்க.

மதியம்; அம்-சாரியை.  கைப்பலி-சிறு பலியுமாம்;கை-சிறுமை;கைக்குடை, கையேடு என்பத போல.காளி வீரமகளாதலின், அவள் திருவடி “கழலடி” எனப்பட்டது.  விரும்பினள்,முற்றெச்சம்.(58)

(இ-ள்.) மண்டு அமர் தொலைத்த - நெருங்கிய போரை வென்றொழித்த, வேலோய் --, இது - யான் கூறுமிதனை, மனத்து மதித்து-(உன்) மனத்தில் உறுதியாக எண்ணி, நின் கொற்றம் வாளின்-உனது வெற்றி வாளினால், நீயே --, கொண்டு - கொண்டுபோய், குறுமறி ஒன்று - ஆட்டினது இளங்குட்டி யொன்றை,  கொன்று ---,சண்டிகை மனம் - சண்டமாரியின் உள்ளம்,  தளிர்ப்ப - மகிழுமாறு, தகுபலி கொடுப்ப - (அவளுக்குத்) தக்க உயிர்ப்பலியாகக் கொடுத்தால், தையல் - அந்தப் பெண்தெய்வம், கண்ட நின் கனவின் திட்பம் - நீ கண்ட நின் கனவினது (தீமையின்) வலியினை, தடுத்தனள் காக்கும் - தடுத்து(உன்னைக்) காப்பாற்றுவாள், என்றாள்- --, (எ-று.)

வேலோய், தேவிக்கு நீயே பலியிட, அதனை ஏற்று நின்னைக் காப்பாள் என்றாளென்க.

தங்கள் மரபில் பலியிடுந் தீய வழக்க மில்லாதிருக்கநூதனமாகக் கூறுகின்றாளாதலின், அவ்வுரைக்கு மதிப்புக்