மெய்யாகவே, சினவரன் சரணம் மூழ்கி - இறைவன் திருவடிகளில் பணிந்து, செறிதவம் படர்தும் என்றார் - (அவரருளிய) மிக்க தவத்தின் (வழியில்) செல்லுவோம் என்றார்.  (எ-று.)

இளைஞர், முனிவரை வணங்கி,  தீக்ஷை அருளுமாறு வேண்டினரென்க.

தன, வினையின என்பவற்றில், ‘அ‘ ஆறனுருபு.‘ இளைஞர் சென்ற சமயத்தில் முனிவர் அறவுரை கூறிக்கொண்டிருந்தாரென்க.              (88)

   (இ-ள்.) (சுதத்தாசாரியர் இளைஞரை நோக்கி), ஆற்றல் அமையப் பெற்றால் - (நுமக்குத் தவம் ஏற்றுச் செய்தற்குத்தக்க) வல்லமை அமையப்பெற்ற போழ்து, அருந்தவம் - அரிய தவத்தை, அமர்ந்து செய்மின் - விரும்பிச் செய்யுங்கள்: சாற்றியவகையில் - (உலக நோன்பிகளுக்குக்) கூறியவகையில், மேல் மேல் - ஒன்றன்மேல் ஒன்றாகவுள்ள, சய்யமா சய்யமத்தின் - தேச சம்யத குணஸ்தானத்தில், ஏற்ற - (உங்கள் சக்திக்கு) ஏற்ற, அந்நிலைமை தன்னை - உத்திக்ஷ்ட பிண்ட விரதம் என்னும் அப் பதினோராம் நிலையினை, இது பொழுது உய்மின் - இப்பொழுது (ஏற்று) உய்யுங்கள் என்றான் - என்று அருள் செய்தார்;  ஆற்றலுக்கு ஏற்ற ஆற்றால் - (இளைஞரும் தங்கள்) சக்திக்குத் தக்கவாறு, அவ்வழி ஒழுகுகின்றார் - அப்பதினொன்றாம் நிலையினதாகிய க்ஷுல்லக வேடத்தினை ஏற்று ஒழுகுவாராயினர்.  (எ-று.)

தேச சம்யத குணஸ்தானத்தின் வகைகளில் மேல் நிலையாகிய பதினோராம் நிலையினை இப்பொழுது ஏற்று ஒழுகுங்கள் என்று கட்டளையிட அவ்விருவரும் அவ்வாறே மேற்கொண்டனரென்க.

‘ஸக்திஸ்த்யாக தபஸி‘ என்பது (நீல. 143இன் உரை) விதியாகலின், ‘ஆற்ற தமையப் பெற்றால் அருந்தவம் அமர்ந்து செய்மின்‘ என்றார்.