பிற்கால இலக்கண நூல்கள்
  

நம்பியகப் 105, இல.வி. 473.
  

குடிபிறந் தோரை வடுப்படுத் துரைத்தலும்
மனைவியைப் பழித்தலும் வாடா வூடலுள்
அனையவட் கழறலும் மனைவிக் கமைந்த
ஒழுக்கமும் காமக் கிழத்தியர்க் குரிய.
  

இளம்
  

என்-எனின் காமக்கிழத்தியர் கூற்று நிகழும் இடம் உணர்த்திற்று.
  

(இ-ள்)  புல்லுதன்  மயக்கும்  புலவி முதலாகச் சொல்லப்பட்ட இடத்தினும் அந்நிகரான பிறவிடத்தினும்
குறிக்கப்பட்ட கூற்றுக் காமக்கிழத்தியர் மேலன என்றவாறு.
  

கூற்றென்பது அதிகாரத்தான் வந்தது.
  

காமக்கிழத்தியராவார்     பின் முறை ஆக்கிய கிழத்தியர்.  அவர் மூவகைப்படுவர். ஒத்த கிழத்தியரும்
இழிந்த  கிழத்தியரும்  வரையப்பட்டாரும்  என,¹  ஒத்த கிழத்தியர^்2    முந்துற்ற  மனையாளன்றிக் காமம்
பொருளாகப்  பின்னுந் தன் குலத்துள்ளாள் ஒருத்தியை வரைதல். இழிந்தாராவார் -   அந்தணர்க்கு  அரச
குலத்தினும் வணிக குலத்தினும் வேளாண் குலத்தினும் கொடுக்கப்பட்டாரும்,   அரசருக்கு ஏனை  யிரண்டு
குலத்தினுங்    கொடுக்கப்பட்டாரும்,    வணிகர்க்கு    வேளாண்    குலத்திற்     கொடுக்கப்பட்டாரும்,
வரையப்பட்டார்   -   செல்வராயினார்   கணிகைக்   குலத்தினுள்ளார்க்கும்   இற்கிழமை     கொடுத்து
வரைந்துகோடல்.  

1. பின்னர்

2. மிகைபடக்

1,2. ஒத்த கிழத்தியர் - குலத்தால் ஒத்த கிழத்தியர்.
இழிந்த கிழத்தியர் -  குலத்தால்  தலைவன்  குலத்தினும்  இழிந்த  கிழத்தியர்.  வரையப்பட்டார் -
கணிகையருள் மணந்து கொள்ளப்பட்டவர்.