இது தோழியிற் கூடிய தலைமகன் கூற்று.

“அவரை பொருந்திய பைங்குரல் ஏனல்
கவரி மடமா கதூஉம் படர்சாரல்
கானக நாட மறவல் வயங்கிழைக்கு
யானிடை நின்றபுணை¹      (ஐந்திணையெழு-1)

இதனானே முந்துற்ற கூட்டமின்மையுணர்க. இனி ஒரு கூட்டமும் நிகழாது ஆண்டு வந்தடைவேட்கை இருவர்க்கும் தணியாது நின்று வரைந்தெய்தலும் ஒன்று. இவ்வகையினான் இக்களவொழுக்கம் மூவகைப்படும்.²

“இன்பமும்..........இயல்பே” என்பது சூத்திரம்.

இனி, இதன் தலைச்சூத்திரம் என்னுதலிற்றோவெனின், காமப் புணர்ச்சிக்கு இலக்கண வகையாற் குறியிடுதலை உணர்த்துதல் நுதலிற்று.

(இதன் பொருள்) இன்பமும் பொருளு.......காணுங்காலை என்பது-இன்பமும் பொருளும் அறனும் என்று சொல்லப்பட்டு, அன்பொடு புணர்ந்து நடுவண் ஐந்திணையிடத்து நிகழும் காமக் கூட்டத்தினை ஆராயுங் காலத்து என்றவாறு.

அன்பொடு புணர்ந்த ஐந்திணை என்றதனால் கைக்கிளை பெருந்திணையை³ ஒழித்து நின்ற முல்லை, குறிஞ்சி, பாலை,

1. தோழி தலைவனிடம் ‘கானக நாட! யான் விளங்கும் இழையணிந்துள்ள தலைவிக்கு இடையேயுள்ள புணையாவேன்; மறவாதே’ என்றதால் இதற்கு முன்னர்ப் புணர்ச்சி நிகழவில்லை என்பது பெறப்படும்.

3. கைக்கிளை ஒருவர் அன்பு ஒருவர்க்குப் புலனாகாமையின் அன்பொடு புணர்ந்ததன்று. பெருந்திணை அன்பின்றிக் காமம் காரணமாகக் கூடுவதும் அன்பெல்லையைக் கடந்து மிக்க காமத்தால் கூடுவதும் ஆதலின் அன்பொடு புணர்ந்ததன்று.