கூறிய ஓத்தும் ¹ஆகுபெயரான் மெய்ப்பாட்டியலென்றாயிற்று, மேலோத்தினோடு இவ்வோத்தினிடை இயைபென்னையோ வெனின், ²மேலை ஓத்துக்களுட் கூறப்படும் ஒழுகலாற்றிற்கும் ³காட்டலாகாப்பொருள் (தொ. பொ. 53) என்றவற்றிற்கும் எல்லாம் பொதுவாகிய மனக்குறிப்பு இவையாகலின் இவற்றை வேறுகொண்டு ஓரினமாக்கி மெய்ப்பாட்டியலென வேறோரோத்தாக வைத்தமையானே⁴எல்லாவற்றோடும் இயைபுடைத்தென்பது. இதன் தலைச்சூத்திரம் என்னுதலிற்றோவெனின், அம்மெய்ப்பாடு ⁵பிறர் வேண்டுமாற்றான் இத்துணைப்பகுதிப்படு மென்றுணர்த்துத னுதலிற்று.

இதன் பொருள் : ⁶பண்ணைத்தோன்றிய எண்ணான்கு பொருளும்--முடியுடைவேந்தருங் குறுநிலமன்னரு முதலானோர் நாடகமகளிர் ஆடலும் பாடலுங் கண்டுங்கேட்டுங் காம நுகரும் இன்ப விளையாட்டினுள் தோன்றிய முப்பத்திரண்டு பொருளும், கண்ணியபுறனே நானான்கு என்ப--அவை கருதிய

மெய்ப்பாடு என்பது பேராசிரியர் கருத்தாம். இனி, இளம்பூரணர் அச்சமுற்றான்மாட்டு நிகழும் அச்சம் அவன்மாட்டுச் சத்துவத்தினாற் புறப்பட்டுக் காண்போர்க்குப் புலனாகுந்தன்மை மெய்ப்பாடெனக் கொள்ளப்படும் என்றும், மெய்யின்கண் தோன்றுதலின் மெய்ப்பாடாயிற்று என்றுங் கூறுவர். இது சிறந்த கருத்தேயாகும். சத்துவம் -- விறல். அது,-- “சத்துவ மென்பது சாற்றுங் காலை -- மெய்ம்மயிர் குளிர்த்தல் கண்ணீர் வார்தல் -- நடுங்கல் கடுத்தல் வியர்த்த றேற்றங் -- கொடுங்குரற் சிதைவொடு நிரல் பட வந்த -- பத்தென மொழிப சத்துவந் தானே” என்பதனாலறிக. குளிர்த்தல் -- குற்சிதங்கொள்ளல் = சிலிர்த்தல்.

1, மெய்ப்பாட்டியல் -- மெய்ப்பாட்டி னிலக்கணங் கூறுவதென அவ்வோத்தின்மேனிற்றலின் ஆகுபெயர். இதுபோன்றன தொல்காப்பியர் கூறிய. ‘இருபெயரொட்டு’ என்பது சேனாவரையர் முதலியோர் கருத்தாம்.

2. மேலையோத்துக்களுட் கூறப்படும் ஒழுகலாறென்றது அகத்தொழுக்கம் புறத்தொழுக்கங்களை. அவை முன்னுள்ள ஐந்தியல்களானும் கூறப்படுவனவாதலின் மேலையோத்துக்க ளென்றார். கூறப்படும் -- கூறப்பட்ட என்றிருப்பது நலம்.

3. “ஒப்புமுருவும்” பொருளியல் 53 - ம் சூத்திரம்.

4. எல்லாவற்றோடும் -- மேற்கூறிய எல்லாவியல்களோடும்.

5, பிறர் -- நாடக நூலார்.

6, பண்ணை -- விளையாட்டு. பண்ணை -- விளையாட்டாயம் என்றும், பண்ணையுடையது பண்ணை என்றும் இளம்பூரணர் கூறுவர்.