[வண்ணம் இத்துணைத்து எனல்]

இது, முறையானே இறுதிநின்ற வண்ணம் இத்துணைப் பகுதித்தென்கின்றது.

இ--ள் : வண்ணம் இருபது வகைப்படும் என்றவாறு.

வண்ணமென்பது, சந்த வேறுபாடு. நூறும் பலவுமாகி வேறுபடினும் அவை ஈண்டடங்குமென்பதூஉம், அவ் வேறுபாடெல்லாஞ் சந்த வேற்றுமை செய்யாவென்பதூஉங் கூறியவாறு. அது நுண்ணுணர்வுடையார்க்குப் புலனாமென்பது.

(212)

[வண்ணங்களின் பெயர் இவை எனல்]

இது, மேற்கூறப்பட்ட வண்ணங்களது பெயர் வேறுபாடு கூறுகின்றது.

இ--ள் : மேற்சொல்லிய நாலைந்து வண்ணமும் இவ்விருபது பெயர் வேறுபாட்டினவென்று சொல்லுப அவற்றை உணர்ந்த ஆசிரியர் என்றவாறு.

இது, முறையாயினவாறென்னையெனின்,--இது வரலாற்று முறைமை யென்றற்கு ‘ஆங்கன மொழிப வறிந்திசினோர்’ என்றானென்பது. அவையாமாறு சொல்லுகின்றான்.

(213)