Untitled Document
| 623 | | 'ஆதி நாயகன் - உலகை
அளந்த மால், எனவே
வாதம் செய்திடுவர் - கற்ற
வைணவப் பெரியார். |
| 624 | | 'முக்குடை யோனாம் - அருக
மூர்த்தி யேமுதல்வன்;
தர்க்க மேதுமில்லை' - என்று
சமணர் சாதிப்பார். |
| 625 | | காதல் நாயகனைக் - கனவில்
காணும் மங்கையர்போல்,
ஓது கின்றதலால் - உலகில்
உண்மை கண்டவரார்? |
| 626 | | மூலமுதற் பொருளை - என்றும்
முடிவிலாப் பொருளை
ஞால மிசைக் கண்ணால் - கண்ட
ஞானி யெவனு முண்டோ? |
| | 84. அமிழ்துறையும் மணிகள் | | 627 | | ஆழ்கடலின் கீழெவர்க்கும்
அறியமுடி யாமல்
அளவிறந்த ஒளிமணிகள்
அமிழ்ந்துறையும், அம்மா! |
| 628 | | பாழ்நிலத்தில் வீணாகப்
பகலிரவும் பூத்துப்
பலகோடிப் பனிமலர்கள்
பரிமளிக்கும், அம்மா! |
| 629 | | கடல் சூழ்ந்த உலகுபுகழ்
காவியம்செய் யாமல்
கண்மூடும் கம்பருக்கோர்
கணக்கில்லை, அம்மா! |
| 630 | | இடமகன்ற போர்முனைதான்
ஈதென்னக் காணா
திறக்கின்ற வில்விசயர்
எத்தனைபேர், அம்மா! | |
|
|