| முழுவதும் அடங்கிய ஆய்வு தொகுப்பு | 113 |
Untitled Document
| 717 | | மன்னுயிர்க் காக உழைத்து நிதம் - சுக
வாழ்வை அளிக்க முயலு வோர்தம்
பொன்னுரை போற்றி ஒழுகுவமேல் - நாமும்
பூரண வாழ்வைப் பெறுவோம், அம்மா! |
| 718 | | நாடும் சுகாதாரச் சங்கம் என்றும் - இந்த
நானிலத் தோங்கித் தழைக்குகவே;
ஆடி விளையாடும் தோழியரும் - நீண்ட
ஆயுளைப் பெற்று வளர்குகவே! |
| | 92. யுத்தக் கொடுமைகள் | | 719 | | மேலே நாட்டில் எங்கோ - மூண்ட
வெந்தழல் இன்றெழுந்து
ஞாலம் முழுவதுமே - பற்றி
நாவிட் டெரியுதையோ! |
| 720 | | நாலு திசையும் சண்டை - கடலின்
நடுவில் எங்கு சண்டை;
மூலபலச் சண்டை - இதுதான்
முடியும் நாள் எதுவோ? |
| 721 | | விண்ணிடி போல விழும் - குண்டுகள்
வீழ்ந்து பொசுக்கிடாமல்.
மண்ணுக்குள் நண்டுகள்போல் - மனிதர்
மறைவ தெளிதோ? ஐயா! |
| 722 | | சிங்கபுரம் போச்சு - பர்மா
தேசமும் பாழாச்சு;
தங்கிடம் காணாமல் - மக்கள்
தத்தளிக்கின்றார், ஐயோ, |
| 723 | | போரில் எழுந்த பஞ்சம் - பாரத
பூமியைத் தாக்குதையோ!
நேருங் கொடுமையெல்லாம் - நினைக்க
நெஞ்சு துடிக்குதையோ! |
| 724 | | குடிக்கக் கூழுமில்லை - அடுப்பைக்
கோழி கிண்டுதையா!
இடுப்புத் துணிக்குநான் - படும்பாடு
யாவர் அறிவார்? ஐயா! | |
|
|