| முழுவதும் அடங்கிய ஆய்வு தொகுப்பு | 123 |
Untitled Document | 789 | | பட்டப் பகலை இரவென் றழைத்திடும்
பாழான சாத்திரம் ஏதுக்கடா!
கட்டிப் பளுகுங் கதைகளைக் - கேட்டிந்தக்
காதுபுண் ணானதும் கொஞ்சமோடா! |
| 790 | | கொக்கோ! குருவியோ! காக்கையோடா! - நாமும்
கோழியோ! ஆந்தையோ! கூகையோடா!
மக்கள் இனத்திற் சேராதவரோ? - உண்ண
வாயும் வயிறும் இல்லாதவரோ? |
| 791 | | சண்டிக் குதிரைமேல் நொண்டித் துரை - செய்யும்
சவ்வாரி போலும்இவ் வாழ்வதனில்,
உண்ட துடுத்ததை யன்றிநாம் - வேறெதும்
உண்மையாய்க் கண்டதும் உண்டோ? அடா |
| 792 | | கோட்டிலே ஜட்ஜி இருப்பதும் - வக்கீல்
கொட்டி முழக்கிநின் றாடுவதும்,
கூட்டிலே கள்ளன் நடுங்குவதும் - இந்தக்
கும்பி செயுஞ்செயல் அல்லவோடா? |
| 793 | | உண்டு வயிறு நிறைந்துவிட்டால் - உடன்
உள்ளக் கவலை ஒழிந்ததடா!
மண்டை யுடைத்து வழக்குகள் - பேசி நாம்
வாணாளை வீணாளாய்ப் போக்கோம், அடா! |
| 794 | | மஞ்சள் சிவப்புத் துணியணிவோம் - பஞ்ச
வர்ணக் கிளைகளைப் போல் நடப்போம்;
வஞ்சனை சூதுகள் செய்யமாட்டோம் - கோர்ட்டு
வாசலை எட்டி மிதிக்கமாட்டோம். |
| 795 | | ஆதி சிவனுமோர் ஆண்டி, அடா! - அவர்க்கு
அன்பான பிள்ளைகள் நாமே, அடா!
ஓதுமெய்ஞ் ஞானியர் யாவருமே - நமக்கு
உற்ற உறவினர் ஆவார். அடா! |
| 796 | | லட்சமும் கோடியும் வேண்டாம், அடா! - அதை
ரட்சிக்க நம்மாலே ஆகுமோடா!
அட்சய பாத்திரம் உண்டே, அடா! - நமக்கு
ஆரே நிகர்இவ் வுலகில்? அடா! | |
|
|