| முழுவதும் அடங்கிய ஆய்வு தொகுப்பு | 125 |
Untitled Document | 804 | | அன்னப்பால் காணாத ஏழைகட்கு - நல்ல
ஆவின்பால் எங்கே கிடைக்கும், அம்மா!
என்னப்பா! யாம்படும் பாட்டையெல்லாம் - சென்று
யாரிடம் சொல்லி அழுவோம், அம்மா! |
| 805 | | இட்டெலி ஐந்தாறு தின்றோம் என்பீர் - நீங்கள்
ஏதும் கருணை யிலீரோ? - நீங்கள்
பட்டினி யாக இறந்திடுனும் - நாங்கள்
பாவம் பழிசெய்ய மாட்டோம், அம்மா! |
| 806 | | தேயிலை தேயிலை என்பீர், அம்மா! - இது
தேக்கிலை தானோ தெரியாதம்மா!
வாயும் வயிறும் நிறைந்திடுமோ? - இதில்
வைத்த அமுதம் திகைந்திடுமோ? |
| 807 | | காப்பி காப்பியென்று கத்துவீரே - அதைக்
கண்ணாலே கண்டதும் இல்லை, அம்மா!
சாப்பிடற் கேற்ற உணவிதுவோ? - அன்றிச்
சட்டையோ! தொப்பியோ! கூறும், அம்மா! |
| 808 | | ஆனைக்கொம்பன் சாதம்உண்டோம் என்பீர் - இதை
ஆரே உலகினில் நம்பிடுவார்?
தேனைப் பழித்த மொழியுடையீர் - எம்மைத்
தேராத பித்தர்என் றெண்ணினீரோ? |
| 809 | | சோப்புச் சோப்பென்று புகழ்ந்திடுவீர் - அது
சுட்டுக் கடிக்குங் கிழங்கதுவோ?
காப்புக் கைவீசி நடப்பவரே - அதன்
காரியம் சற்றே உரைப்பீரே! |
| 810 | | ஆனி ஆடிமாதக் கொந்தலிலே - மந்தை
ஆடுகள் போலக் கொடுகிநிற்போம்;
வேனிலில் வெந்துடல் வேர்த்திடவே - வெயில்
வேளை அலைந்து திரிந்திடுவோம். |
| 811 | | சுற்றிய கந்தை ஒருமுழமாம் - அதில்
தோன்றிய பீறலும் ஆயிரமாம்;
பற்றும் அழுக்கினைப் போக்க வென்றால் - உடை
பஞ்சு பஞ்சாகப் பறக்கும், அம்மா! | |
|
|