Untitled Document | 874 | | நன்றுபுரி வதற்கே - உடலை
நாமிங் கெடுத்தோம், அப்பா!
நின்று தெரிந்திடுவாய் - அதுதான்
நீர்மேற் குமிழி, அப்பா! |
| 875 | | பாரத நாடளித்த - உன்றன்
பரம்பரை முன்னோரின்
வீரச் செயலை எல்லாம் - நீயும்
மேற்கொள்ள வேண்டும், அப்பா! |
| 876 | | புகழ்வி ளையுமிடம் - அந்தப்
போர்முனையே, அப்பா!
மகனே உன்தாயின் - உள்ளம்
மகிழச் செய்வாய், அப்பா! |
| 877 | | சற்றும் தளராமல் - இன்று
சண்டைக்குப் போய்வருவாய்;
வெற்றி கிடைக்கும், அப்பா! - ஈசனை
வேண்டித் தொழுதேன், அப்பா. |
| | 109. தேசியக் கொடியின் சிறப்பு | | 878 | | தேசக் கொடியின் சிறப்பைச் சிறிதேஇங்கு
ஆசைப் பெருக்கால் அறைகின்றேன் - மாசிலா
வீரரைப் பெற்று விரிந்த புகழ்பெற்ற
பாரதத் தாயைப் பணிந்து |
| | | வேறு | | 879 | | பாரில் உயர்ந்தமலை இமயமலை - அன்னை
பாரத தேவி பாராட்டு மலை;
சீரில் உயர்ந்திடும் தேசக்கொடி - அதன்
சிகரம் அணிந்தின்று பறக்குதுபார். |
| 880 | | வீரர் துணிந்தேறி நட்டகொடி - இது
வெற்றி விருதா யெடுத்தகொடி;
யாரும் இறைஞ்சி வணங்கும்கொடி - நமக்கு
என்றும் சுதந்திரம் ஈட்டும் கொடி. | |
|
|