Untitled Document
| 889 | | ஏழை அழுத கண்ணீர் துடைக்கும்கொடி - அவன்
இதயம் குளிரஇன்பம் பொழியும்கொடி;
ஊழையும் உப்பக்கம் காணும்கொடி - நித்தம்
உழைத்துமுன் னேறநம்மை ஊக்கும்கொடி. |
| 890 | | ராட்டின மல்லாது வேறுபடை - இந்த
நாட்டினுக் கில்லையென்று நாட்டும்கொடி;
ஈட்டிவாள் குந்தங்கள் பீரங்கிகள் - இருந்
திருந்து துருவேறச் செய்யும்கொடி. |
| 891 | | ஊக்கத்தை உள்ளத்தில் ஊட்டும்கொடி - தேச
ஊழியம் செய்திடத்தூண்டும் கொடி;
ஆக்கமெலாந் தேடிச் சேர்க்கும்கொடி - நம்மை
ஆண்சிங்க மாகவே ஆக்கும்கொடி. |
| 892 | | நாடு நமதாகக் கண்டகொடி - அதை
நாமே அரசாள வைத்தகொடி,
வீடு நமதென்று வீரம்பேசி - இன்று
வெற்றி முரசறையச் செய்த கொடி. |
| 893 | | ஒட்டுக் குடிசையின்மீ தாடும்கொடி - உயர்ந்து
ஓங்கிய மேடையின்மீ தேறும்கொடி;
சட்ட சபைகளிலே தழையும்கொடி - அங்கே
தங்கும் பெரியோர்மேல் படரும் கொடி. |
| 894 | | மானம் உருவாக வந்தகொடி - இதை
மாசுறச் செய்வதும் பாவம், பாவம்;
ஊனில் உயிருள்ள காலமெல்லாம் - மிக
ஊக்கமாய் நின்றுநாம் காத்திடுவோம். |
| 895 | | காரிருளும் நீங்குகவே!
காந்திமதி நிலவுகவே!
பாரில் அறம் பெருகுகவே
பயிர்களெல்லாம் செழித்திடவே! | |
|
|