| முழுவதும் அடங்கிய ஆய்வு தொகுப்பு | 147 |
Untitled Document
| 954 | | பொன்னேஇப் புவியதனைப் புரக்கவந்து கொலுவிருக்கும்
பொலிவு தானோ?
தன்னேரி லாஅழகு தனியரசு செலுத்தவரும்
தகைமை தானோ?
அன்னேயென் றேஅலறும் அகிலமுறைகேட்க எழும்
அன்பு தானோ?
என்னேயான் சொலத்துணிவேன் எமையாளும் மகாராணி
இருந்த வாறே! |
| 955 | | நீதியால் உலகாளும் நெறிமன்னர் நாண, உயர்
நேர்மை கொண்டாள்;
தீதிலா தொருதுறையில் பசுவோடு புலியுண்ணச்
செங்கோல் பூண்டாள்;
கோதிலாத் தருமங்கள் குணங்கண்டு பாலிக்கும்
கொள்கை மிக்காள்;
சேதுபாய் மகாராணி அரசாள என்னதவம்
செய்தோம்! அம்மா! |
| 956 | | தஞ்சமென நின்றுதொழும் தம்குடிகள் குறையெல்லாம்
தாமே கண்டு,
நெஞ்சமர யோசித்து நெல்வரியைப் பணமாக்கி
நியாயம் செய்தாள்;
அஞ்சலென நொந்தவரை ஆதரவு செய்வதிலிவ்
அன்னைக்கு ஈடு
வஞ்சிநிலத் தில்லையெனில் மற்றெந்த நிலம்காட்ட
வல்லது? அம்மா! |
| 957 | | வாய்பேச இயலாத பிராணிகளும் வஞ்சியிதில்
வளர்ந்து வாழத்
தாய்போலும் தயையுடையாய்! உயிர்ப்பலிசெய் கொடுமைகளைத்
தவிரச் செய்தாய்;
பாய்திரைசூழ் உலகாளும் மன்னரெல்லாம் பார்த்தறங்கள்
படிக்கும் வண்ணம்
சேய்நிலத்தும் இந்நிலம்போல் நின்பெருமை எந்நாளும்
சிறக்க மாதோ! | |
|
|