| | கண்ணிகள் |
| 959 | | வஞ்சிதேசம் எங்கும்புது மணம் வீசும் பூவாம்,
மணம்வீசும் பூ அழகை வகுத்துரைக்க லாமோ!
பார்வதிபாய் மகாராணி பக்கம்வளர் கிளியாம்,
பக்கம்வளர் கிளிக்கினிய பழங்கள் கொண்டு போவோம். |
| 960 | | முடிவேந்தர் மடியிருந்த முத்தமிடும் முத்தாம்,
முத்தமிடும் முத்தின்விலை மூவுலகில் உண்டோ! |
| 961 | | திருமூல மகிபருக்குத் தினம்இனிக்கும் அமுதாம்.
தினம்இனிக்கும் அமுதின்விலை செப்பவலார் உண்டோ! |
| 962 | | வஞ்சிராஜ குலம்தழைத்து வந்தபசுங் கொழுந்தாம்,
வந்தபசுங் கொழுந்தோங்கி வளர்ந்தது நிழல் தருமே! |
| 963 | | மூலமன்னர் செய்தருமம் முற்றிவந்த கனியாம்,
முற்றிவந்த கனிநமக்கு முழுதும் இன்பம் தருமே! |
| 964 | | அன்புநீரை அடைத்துநாங்கள் அகம்வளர்க்கும் பயிராம்,
அகம் வளர்க்கும் பயிருமெங்கட் களிக்கும் நல்ல பலனே! |
| 965 | | குடிகளுக்கு க்ஷேமமெல்லாம் கொண்டுவரும் கலமாம்,
கொண்டுவரும் கலத்திற்கிணை குவலயத்தி லண்டோ! |
| 966 | | சித்திரைநாள் அவதரித்த சேரஇளங் கோவாம்,
சேரஇளங் கோவினுக்குச் செகதீசன் துணையே! |