முகப்பு

பக்கம் எண் :

தொடக்கம்

முழுவதும் அடங்கிய ஆய்வு தொகுப்பு 151 121. வெ.ப. சுப்பிரமணிய முதலியார் 983 எண்பதாண் டான இளைஞனே, இன்னமுதின் பண்பெலாங் காட்டுதமிழ்ப் பாவலனே - நண்பனே வெள்ளகால் செல்வனே, வேள்சுப் பிரமணிய வள்ளலே, வாழ்க மகிழ்ந்து! 122. கு. ஆறுமுகம் பிள்ளை 984 பாரறிய நாவலர் பட்டமும் பொற்கிழியும் பேரறிஞன் ஆறுமுகன் பெற்றனனே - காரெழுந்து பெய்யும் மழைபோல் பெருஞ்சொல் மழை பொழிந்தது சைவம் தழையவைத்த தால். 123. டி.கே. சிதம்பரநாத முதலியார் 985 கன்னித் தமிழேபோல், கம்பன் கவியேபோல், மன்னும் பொதிகை மலையேபோல் - பன்னுநம் நாடு மகிழச் சிதம்பர நாத நண்பா! நீடுநீ வாழ்க நிலைத்து. 986 அன்னைதமிழ்ச் செல்விக்கு அருந்தொண்டு செய்தின்னும் மன்னுலகில் பல்லாண்டு வாழியவே - என் இனிய நண்பா! சிதம்பர நாதா! நம் மாமுருகன் கண்பார்த் தருளக் கனிந்து. 987 குற்றால நாதா! குழல்வாய் உமைபங்கா! பொற்றாள் பணிந்துன்னைப் போற்றுகின்றேன் - கற்றார்தம் சிந்தை மகிழச் சிதம்பர நாதநண்பன் சந்ததம் வாழவரம் தா. 124. மனோன்மணியம் சுந்தரனார் 988 ஆரா அமுதம் அனைய தமிழ்வளர்த்த பேரா சிரியர் பெருமானைச் - சீராரும் வஞ்சிமா மன்னர் மதித்தகுண சுந்தரனை, நெஞ்சமே! நித்தம் நினை.

முன் பக்கம்

மேல்

அடுத்த பக்கம்