| முழுவதும் அடங்கிய ஆய்வு தொகுப்பு | 153 |
Untitled Document
| 993 | | வையம் புகழும் திருவஞ்சி
வளநா டதனை முடிசூடிச்
செய்ய முறைசெய் தரசாண்ட
சேர மன்னர் சரிதமெலாம்
ஐயம் இன்றிச் சிலையிலெழுத்து
அய்ந்து சொன்ன பேரறிஞன்,
துய்ய சீலன் சுந்தரன்பேர்
சொல்லி நாளும் போற்றுவமே. |
| 994 | | ஆடும் தில்ல அம்பலன்
அடிகள் மறவா அன்புடையோன்,
பாடித் திருவா சகத்தேனைப்
பருகிப் பருகி இன்புறுவோன்,
கோடைப் பதிசுந் தரமுனியைக்
குருவாய்க் கொண்ட குணசீலன்,
ஈடி லாத பேரறிஞன்
எங்கள் பெரியன் சுந்தரனே. |
| 995 | | சித்திரம் வரைந்து காண்போம்;
சிலைகண்டு தொழுது நிற்போம்;
சத்திரம் கட்டி வைப்போம்;
தருமங்கள் பலவும் செய்வோம்;
வித்தகன் சுந்தரன்பேர்
மெய்ம்மையாய் விளங்க வைத்தல்,
இத்தமிழ் நாட்டில் வாழும்
எம்மனோர் கடமை யன்றோ? |
| 996 | | எம்மொழியும் ஈடாகா திம்மொழிக் கென்றுலகம்
செம்மையுறக் கண்டு தெளிந்திடவே - நம்மினிய
செந்தமிழின் தெய்வச் சிறப்பெல்லாம் யாருரைத்தார்
சுந்தரனைப் போலத் தொகுத்து. | |
|
|