Untitled Document
| 1017 | | உள்ள முருகச் செவிகுளிர
ஓதும் தெளிந்த செந்தமிழின்
தெள்ளத் தெளிந்த செந்தமிழின்
தெய்வ கீதம் செழித்தோங்க
எள்ளத் தனையும் சலியாமல்
இரவும் பகலும் உழைத்திடுநம்
வள்ளல் அண்ணாமலை மன்னன்
வாழ்க! வாழ்க! வாழ்கவே! |
| 1018 | | பாரி பாரி யென்றுகவி
பாடும் புலவர் புகழ்பாட
வாரி வாரி வழங்கிடுநம்
வள்ளல் அண்ணா மலைமன்னற்கு
ஓரும் ஜாதி மதபேதம்
ஒன்றும் நோக்கா தெழுந்துலகில்
நீரைப் பொழியும் மேகமலால்
நிகர்வே றுண்டோ? நிகழ்த்துவிரே. |
| 1019 | | உருகி அன்பு பெருகிவழிந்து
ஓடி யொழுக எதிர்வந்து
வருக வருக வருகவென
மதுர மொழிகள் பலகூறி
அருகில் அமரச் செய்தென்னோடு
அளவ ளாவி அமுதளித்த
தருகை நீண்ட பெருந்தகையின்
தருமம் ஓங்கி வளருகவே! |
| 1020 | | நாடு சேர்ந்த நல்லவையில்
நடுநா யகமா யெழுந்தருளி
ஈடிலாத பொன்னாடை
எவருங் காண எனக்கணிந்து,
பீடு மிகவே பெறவைத்த
பெரியன் அண்ணா மலைமன்னன்
நீடுவாழ ஈசனை யான்
நித்தம் நித்தம் தொழுவேனே. | |
|
|